अमळनेर, 8 मे : शिवाजीनगर येथील जयहिंद व्यायामशाळेतर्फे 19 मे रोजी 18 वर्षाखालील मुलांच्या कुस्तीस्पर्धा आयोजित करण्यात आल्या आहेत. शालेय विद्यार्थ्यांना उन्हाळी सुटी लागली. मुले मोबाईल मध्ये गुंतल्याने मैदानपासून ,कुस्ती खेळापासून लांब जात आहेत. म्हणून शालेय विद्यार्थ्यांना कुस्तीची आवड निर्माण व्हावी यासाठी म्हणून या कुस्ती स्पर्धेचे आयोजन करण्यात आलेले आहे.
कुस्ती स्पर्धेस सुरूवात कधीपासून? –
अमळेरातील माजी नगरसेवक प्रताप शिंपी यांनी 19 मे रोजी दुपारी 4 ते रात्री 8 च्या दरम्यान 18 वर्षांखालील कुस्ती स्पर्धा आयोजित केल्या आहेत. या स्पर्धेमध्ये जळगाव ,धुळे ,नंदुरबार जिल्ह्यातील पैलवान सहभागी होणार आहेत.
बाहेरून येणाऱ्या पैलवानांसाठी भोजनाची व्यवस्था –
दरम्यान, बाहेरून येणाऱ्या पैलवानांची भोजनाची व्यवस्था व्यायामशाळेतर्फे करण्यात येणार आहे. मुलांना राज्यस्तरीय ,विभागस्तरीय अशा विविध विजेत्या पैलवानांचे वेगवेगळे डावपेच बघायला मिळणार आहे. जास्तीत जास्त मुलांनी स्पर्धेत सहभागी व्हावे आणि स्पर्धा बघायला यावे. स्पर्धेत सहभागी होण्यासाठी प्रताप शिंपी ,पिंटू शिंपी , जीवन पवार , बबलू सोनवणे , अमोल चौधरी पवन पैलवान यांच्याशी संपर्क साधावा, असे आवाहन जयहिंद व्यायामशाळेतर्फे करण्यात आले आहे.
हेही वाचा : Breaking : रामदेववाडीमध्ये भीषण अपघात प्रकरणी मोठी अपडेट, मृतांची संख्या पोहचली चारवर, नेमकं काय घडलं?
