सुनिल माळी, प्रतिनिधी
पारोळा, 2 जून : 22 वर्षीय तरुणाने आपल्या घरात दोरीच्या सहाय्याने गळफास घेऊन आपली जीवन यात्रा संपवल्याची धक्कादायक घटना समोर आली आहे. पारोळा तालुक्यातील देवगाव येथे शुक्रवारी रात्री 9 वाजेच्या सुमारास घडली. पराग रविंद्र पाटील असे मृत तरूणाचे नाव आहे.
देवगावात तरूणाची आत्महत्या –
मिळालेल्या माहितीनुसार, देवगाव येथील रहिवासी असलेल्या पराग रवींद्र पाटील याने घरात कोणालाही काहीएक न सांगता रात्री 9 वाजेच्या सुमारास आपल्या घरातील मागच्या रूममध्ये दोरीच्या सहाय्याने गळफास तयार करून आत्महत्या केली.
दरम्यान, गावकऱ्यांच्या लक्षात आल्यावर येथील सरपंच समीर वसंतराव पाटील, सचिन पाटील, सुनील पाटील आदींनी घराचा दरवाजा – तोडून त्यास खाली उतरवले. यानंतर त्या तरूणास पारोळा कुटीर रुग्णालय येथे आणले असता डॉक्टरांनी तपासून त्याला मृत घोषित केले.
हेही वाचा : पुणे कार अपघात प्रकरणात मोठी अपडेट, ‘त्या’ मुलाच्या आईलाही पोलिसांनी केली अटक, नेमकं कारण काय?
