नवी दिल्ली, 29 नोव्हेंबर : महाराष्ट्राच्या मुख्यमंत्रीपदाबाबतच्या निर्णयासाठी केंद्रीय गृहमंत्री अमित शहा यांच्यासोबत राज्याचे काळजीवाहू मुख्यमंत्री एकनाथ शिंदे, देवेंद्र फडणवीस आणि अजित पवार यांची काल 28 नोव्हेंबर रोजी मध्यरात्री बैठक पार पडली. दरम्यान, या भेटीनंतर एकनाथ शिंदे यांनी प्रतिक्रिया व्यक्त केली.
एकनाथ शिंदे काय म्हणाले? –
एकनाथ शिंदे माध्यमांसोबत बोलताना म्हणाले की, अमित शहा यांच्यासोबत आमची बैठक पार पडली. यावेळी देवेंद्र फडणवीस, अजित दादा आदी उपस्थित होते. आमची सत्तास्थापनेबाबत बैठक अतिशय सकारात्मकपणे पार पडली आणि पुन्हा आजही बैठक होणार आहे. यानंतर एक-दोन दिवसांत निर्णय होईल. दरम्यान, याआधीच मी माझी भूमिका जाहीर केली असून महायुतीच्या मुख्यमंत्रीपदाच्या नावाला शिवसेनेचा पाठिंबा असल्याचेही एकनाथ शिंदे म्हणाले.
व्हिडिओ पाहण्यासाठी खालील लिंकवर क्लिक करा.
https://youtube.com/shorts/QoqaiztvHSs?si=oVhK3utmnnib653Chttps://www.youtube.com/@suvarnakhandeshlivenews/videos
लवकरच आम्ही सरकार स्थापन करणार –
आम्हाला राज्यातील जनतेने अतिशय स्पष्ट बहुमत दिले आहे. यामुळे जनतेचा आदर आम्ही करत असून लवकरच आम्ही सरकार स्थापन करणार असल्याचे एकनाथ शिंदे म्हणाले. मी काळजीवाहू मुख्यमंत्री असल्याने सर्व काळजी मी घेतोय.आमच्यात पुर्णपणे समन्वय असल्याचे एकनाथ शिंदे म्हणाले.
आज पुन्हा बैठक –
राज्यातील सत्तास्थापनेबाबत महायुतीची आज पुन्हा एकदा मुंबईत बैठक पार पडत आहे. सरकारमधील मंत्रीवाटप तसेच सरकारची पुढची वाटचाल कशी असेल याबाबत या बैठकीत निर्णय होणार आहे. या बैठकीला राज्यातील महायुतीतील प्रमुख नेते उपस्थित राहणार आहेत. विधानसभा निवडणुकीचा निकाल जाहीर होऊन 6 दिवस उलटल्यानंतरही महाराष्ट्राच नवा मुख्यमंत्री कोण? हे अद्यापही ठरले नाही. यामुळे येत्या एक-दोन दिवसांत मुख्यमंत्रीपदाबाबतचा अंतिम निर्णय होणार का? याकडे सर्वांचे लक्ष लागले आहे.
