देहू (पुणे), 5 फेब्रुवारी : संत तुकाराम महाराजांचे वंशज म्हणून ओळख असलेले शिरीष महाराज मोरे (30) यांनी आत्महत्या केल्याची घटना घडली. आर्थिक विंवचेनेतून टोकाचा निर्णय घेत गळफास घेत त्यांनी आत्महत्या केली आहे. दरम्यान, त्यांनी घेतलेल्या या टोकाच्या निर्णयामुळे महाराष्ट्रात सर्व स्तरातून हळहळ व्यक्त केली जात आहे. संत तुकाराम महाराजांचे 11 वे वंशज असलेले शिरीष महाराज मोरे हे किर्तनकार, प्रवचनकार तसेच शिवव्याख्याते म्हणून महाराष्ट्रभर लोकप्रिय होते.
शिरीष महाराज मोरे यांची आत्महत्या –
मिळालेल्या माहितीनुसार, जगद्गुरु संत तुकाराम महाराजांचे 11 वे वंशज शिरीष महाराज मोरे (30) यांनी देहू येथील राहत्या घरी आत्महत्या केली. शिरीष महाराज यांनी काल रात्री कुटुंबासोबत जेवण केल्यानंतर त्यांच्या खोलीत झोपयाला गेले. दरम्यान, आज सकाळी 8.30 वाजेपर्यंत ते त्यांच्या खोलीतून बाहेर न आल्याने त्यांच्या कुटुंबियांनी दरवाजा ठोठवला. मात्र, त्यांनी प्रतिसाद न दिल्याने दरवाजा तोडण्यात आला अन् त्यावेळी ते रूममध्ये गळफास घेतल्याच्या अवस्थेत आढळले. दरम्यान, त्यांच्या टोकाच्या निर्णयाने वारकरी सांप्रदायात शोककळा पसरली असून शिरीष महाराजांनी टोकाचं पाऊल का उचचलं, याबाबतचा प्रश्न उपस्थित केला जातोय.
सोसाईड नोटही सापडली –
शिरीष मोरे हे संत तुकाराम महाराज यांनी टोकाचा निर्णय घेत स्वतःचं जीवन संपवलंय. त्यांच्या आत्महत्येनंतर आता त्यांनी लिहिलेल्या चिठ्ठ्या समोर आल्या असून या चिठ्ठींमध्ये त्यांनी कर्जाचा उल्लेख केला आहे. सोबतच कोणाचे किती रुपयांचे कर्ज आहे, हे देखील सांगितले आहे. विशेष म्हणजे त्यांनी त्यांच्या सुसाईड नोटमध्ये होणाऱ्या बायकोचाही उल्लेख केल्याची माहिती समोर आली आहे. दरम्यान, शिरीष महाराज मोरे यांच्या या सुसाईड नोटमध्ये त्यांनी मन सुन्न करणारी कहाणी सांगितली असून सोबतच त्यांनी आत्महत्येचं कारणही सांगितलं आहे.
लग्नाआधीच आत्महत्या केल्याने शोककळा –
शिरीष महाराज मोरे यांनी आर्थिक अडचणींमुळे त्यांनी स्वत:चं जीवन संपवल्याची माहिती समोर आली आहे. त्यांच्या मृत्यू पश्चात सुसाईड नोटही सापडली आहे. यामध्ये आर्थिक समस्येमुळे आत्महत्या करत असल्याचे त्यांनी म्हटलंय. शिरीष महाराजांच्या पश्चात आई आणि वडील आहे. गेल्या महिन्यात त्याचे लग्न ठरले होते. लग्न एप्रिल किंवा मे महिन्यात पार पडणार होते. मात्र, लग्नाआधीच त्यांनी आत्महत्या केल्याने सर्वच ठिकाणी शोककळा पसरली आहे.
हेही पाहा : Video : ‘छत्रपती शिवाजी महाराज, भगवद्गीता यांचं आयुष्यात मोठं स्थान’, Kho Kho Team Captain Pratik Waikar
