जळगाव, 18 मार्च : जळगाव जिल्हा परिषद मुख्य कार्यकारी अधिकारी श्री. अंकीत यांची बदली करण्यात आल्याची माहिती समोर आली आहे. दरम्यान, श्री. अंकीत यांची आता संभाजीनगर येथे जिल्हा परिषदेचे मुख्य कार्यकारी अधिकारी म्हणून नियुक्ती करण्यात आली आहे. तर दुसरीकडे श्री. अंकीत यांच्या जागी आता आयएएस मीनल करनवाल ह्या जळगाव जिल्हा परिषदेचे सीईओ म्हणून असणार आहेत.
श्री. अंकीत यांची बदली –
गेल्या दीड वर्षांपासून श्री. अंकीत यांना जळगाव जिल्हा परिषदेच्या मुख्य कार्यकारी अधिकारी पदी नियुक्त करण्यात आले. श्री. अंकीत यांचा 24 जुलै, 2023 ते 18 मार्च 2025 असा दीड वर्षांहून अधिकचा जळगाव जिपच्या सीईओपदाचा कार्यकाळ राहिलाय. दरम्यान, आता त्यांची जळगाव जिल्हा परिषदेच्या सीईओ पदावरून बदली करण्यात आली असून आता ते संभाजीनगर येथे जिल्हा परिषदेचे मुख्य कार्यकारी अधिकारी म्हणून रूजू होणार आहेत.
मिनल करणवाल जळगाव जिपच्या नव्या सीईओ –
भारतीय प्रशासकीय सेवेच्या 2019 च्या बॅचच्या अधिकारी मीनल करनवाल यांची जळगाव जिल्हा परिषदेच्या मुख्याधिकारीपदी नियुक्ती करण्यात आली आहे. मीनल करनवाल या मूळच्या उत्तराखंडमधील देहरादूनच्या असून दिल्लीत त्यांचं शिक्षण झालंय.
दरम्यान, भारतीय प्रशासकीय सेवेत रूजू झाल्यानंतर त्यांनी भंडारा जिल्ह्यात प्रशासकीय कालावधी पुर्ण केला. यानंतर सहाय्यक जिल्हाधिकारी आणि प्रकल्प अधिकारी, ITDP, नंदुरबार येथे काम पाहिले. आता नांदेड जिल्हा परिषदेच्या मुख्य कार्यकारी अधिकारी म्हणून कार्यरत होत्या. दरम्यान, आता मीनल करनवाल जळगावात झेडपी सीईओ म्हणून रुजू होणार आहेत.
हेही वाचा : Success Story : बालपणी आई-वडिलांचं निधन, मामांकडे पुर्ण केलं शिक्षण अन् आता झाला क्लास-2 ऑफिसर
