जळगाव : जळगाव शहर आणि शहराजवळ असलेल्या गावांसाठी लवकरच पीएम ई-बस सेवा सुरू होणार आहे. पीएम ई-बस या योजनेच्या पहिल्या टप्प्यात जळगाव महापालिकेला 50 ई-बसेस मंजूर झाल्या आहेत. तसेच याबाबतची वर्कऑर्डरही कंपनीला देण्यात आलेली आहे.
जळगाव महापालिकेच्या मालकीच्या शिवाजी उद्यानाच्या जागेत बस डेपो उभारण्याच्या कामाला गती आलेली आहे. जुने बसस्थानकातून या बसेस सुटणार आहेत. तेथून प्रशासनाने सध्या 18 मार्ग निश्चित केले आहेत. याव्यतिरिक्त आणखी कोणत्या भागात बस गेली पाहिजे, तेथील प्रवाशांचा प्रतिसाद, कुठे थांबे असावेत यासंदर्भात नागरिकांकडून अभिप्राय व सूचना लेखी स्वरूपात मागविण्यात आलेल्या आहेत. येत्या आठवडाभरात आमदार सुरेश भोळे व खासदार स्मिता वाघ यांच्या उपस्थितीत बैठक घेऊन त्यात मार्ग निश्चित केले जाणार आहेत.
हेही पाहा – Goshta Shetkaryachi | Ep 1 | एकेकाळी पाण्याची समस्या, आज 11 विहिरी | कसं शक्य झालं| गोष्ट शेतकऱ्याची
यासोबतच जैन हिल्स, जळगाव शहर महानगरपालिका कामगार युनियन, विविध ग्रामपंचायती व नागरिकांनी अर्ज दाखल केलेले आहेत. यावर आता लोकप्रतिनिधींची बैठक झाल्यानंतर पुढील कार्यवाही केली जाणार आहे.
