मिलिंद वाणी, प्रतिनिधी
चोपडा, 29 एप्रिल : जळगाव जिल्हा भारतीय जनता पार्टीचे अनुचित जमाती मोर्चाचे जिल्हाध्यक्ष तथा भाजप कार्यकर्ते मगन बाविस्कर यांची पुनगांव विकास सोसायटी चेअरमनपदी बिनविरोध निवड झाली आहे. यासोबतच व्हाईस चेअरमनपदी गोकुळ सपकाळे यांची वर्णी लागली आहे. त्यांच्यासोबतच जवळपास 11 सदस्य निवडून आले आहेत.
पुनगाव विविध कार्यकारी सोसायटीच्या निवडीत विरोधी पॅनलचा दणदणीत प्रभाव करत मगन बाविस्कर सरांच्या पॅनेलने एकतर्फी सत्ता काबीज केली आहे. जवळपास 11 सदस्य निवडून आले असून त्यात किशोर बाविस्कर, जनार्दन दादा बाविस्कर, संजय बाविस्कर, निवृत्ती बाविस्कर, छगन सोनवणे, गोकूळ सोनवणे, साहेबराव बाविस्कर, संजय बाविस्कर, मंगलाबाई संतोष बाविस्कर, कस्तुराबाई गोविंदा बाविस्कर यांचा समावेश आहे.
नवनिर्वाचित चेअरमन मगन बाविस्कर यांचे घराण्याची राजकीय कारकीर्द जोमात असून त्यांचे वडील मुरलीधर बाविस्कर हे देखील भाजपाचे खंदे कार्यकर्ते असून कृषी उत्पन्न बाजार समितीचे माजी उपसभापती आहेत तर त्यांचे भाऊ किशोर बाविस्कर हे देखील पुनगावचे सरपंच आहेत. मगन बाविस्कर हे सन 1998 पासून भाजपाचे सक्रिय कार्यकर्ते असून गावागावात भाजप कणखर करण्यासाठी त्यांनी आपली कस पणाला लावली आहे. त्यांच्या विजयाबद्दल तालुक्याभरातून त्यांचे अभिनंदन केले जात आहे.
