मुंबई, 7 मे : भारतीय क्रिकेटचा दिग्गज फलंदाज रोहित शर्मा यानं कसोटी क्रिकेटमधून तडकाफडकी निवृत्ती जाहीर केली आहे. त्याच्या सोशल मीडियाच्या अकाऊंटपैकी एक म्हणजे इन्स्टाग्रामवर स्टोरी पोस्ट करत त्याने त्याच्या निवृत्तीबाबतची घोषणा केलीय. दरम्यान, रोहित शर्माने कसोटी क्रिकेटमधून अचाकनपणे निवृत्ती घेतल्याने टीम इंडियाला मोठा धक्का बसल्याचे बोलले जात आहे.
रोहित शर्माची कसोटी क्रिकेटमधून तडाकाफडकी निवृत्ती –
भारतात सध्या इंडियन प्रिमिअर लिगचा 18 वा हंगाम सुरू आहे. असे असताना रोहित शर्माने क्रिकेटप्रेमींना मोठा धक्का दिलाय. रोहित शर्माने कसोटी क्रिकेटमधून निवृत्त होत असल्याचे जाहीर केले आहे. रोहितने आज इन्स्टाग्रामवर स्टोरी पोस्ट करत कसोटी किक्रेटमधून निवृत्तीबाबतची घोषणा केलीय.
रोहित शर्माने काय म्हटलंय? –
रोहितने आज इन्स्टाग्रामवर स्टोरीत त्याच्या 280 क्रमांकाच्या टोपीचा फोटो पोस्ट करत म्हटलंय की, मी कसोटी क्रिकेटमधून निवृत्त होत असून भारतीय संघाचे कसोटी क्रिकेटमध्ये प्रतिनिधित्व करणे ही माझ्यासाठी सन्मानाची बाब आहे. दरम्यान, मी तुमच्या प्रेमासाठी आणि पाठिंब्यासाठी आभारी असल्याचे रोहितने या इंस्टा स्टोरीत नमूद केले आहे.
टीम इंडियाला मोठा धक्का –
रोहित शर्मा हा भारतीय क्रिकेटचा आधारस्तंभ मानला जातो. असे असतानाही कसोटी क्रिकेटमधील त्याच्या फॉर्मवरून भारताच्या कसोटी संघाचा कर्णधार बदलवण्याचा चर्चा सुरू होत्या. अशातच त्याने स्वतःच कसोटी क्रिकेटमधून निवृत्तीची घोषणा केली आहे. यामुळे अनेक चर्चांना पुर्णविराम मिळालाय. मात्र, रोहितच्या निर्णयाने टीम इंडियाला देखील मोठा धक्का बसला असल्याचे बोलले जात आहे.
