जळगाव, 15 जुलै : रेल्वेच्या तारांच्या विद्युत धक्क्याने अनोळखी व्यक्तीचा दुर्दैवी मृत्यू झाल्याची समोर आली आहे. ही घटना जळगाव रेल्वे स्थानकावर घडली. याप्रकरणी जळगाव रेल्वे पोलीसात अकस्मात मृत्यूची नोंद करण्यात आली आहे.
काय आहे संपूर्ण बातमी –
जळगाव रेल्वे स्थानकावरील प्लॅटफॉर्म क्रमांक 4जवळ एका उभ्या असलेल्या मालवाहू रेल्वेच्या डब्यावर उभा राहिल्याने रेल्वेच्या विद्युत तारेला स्पर्श झाल्याने एका अनोळखी व्यक्तीचा मृत्यू झाला. मृत व्यक्तीचे वय अंदाजे 50 वर्षे सांगण्यात येत आहे. ही घटना घडल्यानंतर रेल्वे पोलीस ठाण्याचे वैद्यकीय अधिकारी डॉक्टर अतिफ शहा यांनी या व्यक्तीची तपासणी करुन त्याला मृत घोषित केले.
यानंतर रेल्वे पोलीस कर्मचाऱ्यांनी मृतदेहाचा पंचनामा करून जिल्हा शासकीय वैद्यकीय महाविद्यालयात दाखल करण्यात आला. मृताची ओळख पटविण्याचे आवाहन करण्यात आले असून याप्रकरणी नजीकच्या जळगाव रेल्वे पोलीस ठाण्यात संपर्क साधावा, असे आवाहन देखील करण्यात आले आहे. या मृत्यूप्रकरमी जळगाव रेल्वे पोलीस ठाण्यात अकस्मात मृत्यूची नोंद करण्यात आली आहे.
