ईसा तडवी, प्रतिनिधी
भडगाव, 23 ऑगस्ट : स्टाफ सिलेक्शन कमिशन (SSC) अंतर्गत भरण्यात येणाऱ्या सुरक्षा दलातील शिपाई (GD) या पदासाठीची अंतिम निकालाची यादी नुकतीच जाहीर करण्यात आली. अनेक संघर्षाला तोंड देत कठोर परिश्रमाच्या बळावर युवकांनी या परीक्षेत यश मिळवल्याने सुरक्षा दलांत भरती होण्याचे त्यांचे स्वप्न पुर्ण झाले आहे. दरम्यान, भडगाव तालुक्यातील एसएससी (SSC) परीक्षेच्या माध्यमातून सुरक्षा दलातील विविध विभागात निवड झालेल्या युवकांचा शिवसेना नेत्या (उद्धव ठाकरे गट) वैशाली सुर्यवंशी यांच्यावतीने सत्कार करण्यात आला.
भडगाव तालुक्यातील युवकांचा सत्कार –
शिवसेना नेत्या (उद्धव ठाकरे गट) वैशाली सुर्यवंशी यांच्या वतीने आज दिनांक 23 ऑगस्ट 2023 शिवतीर्थ शिवसेना कार्यालय बाळद रोड भडगाव येथे पुरुषोत्तम रवींद्र पाटील (सीआरपीएफ), प्रतीक शांताराम माळी (एसएसबी), आकाश श्रीराम माळी (एस एस बी), महेश प्रवीण पाटील (सीआरपीएफ), वैभव पवार (सीआयएसएफ), गणेश राम नेरपगार (बीएसएफ), धीरज व्यास (बीएसएफ) गणेश पाटील (बीएसएफ), रोहित भोई (बीएसएफ) व उमेश मोरे (आसाम रायफल) यांचा सत्कार करण्यात आला.
यावेळी वैशाली सुर्यवंशी यांनी या युवकांद्वारे केलेली मेहनत व त्यांच्या मागे असणारा त्यांच्या परिवारांचा, नातेवाईकांचा तसेच मित्रमंडळींचा पाठिंब्याबद्दल कौतुक केले. याप्रसंगी गणेश परदेशी, उपजिल्हाप्रमुख दीपक पाटील, विधानसभा प्रमुख जे. के. पाटील व युवा सेनेचे पप्पू जाधव, माधव जगताप, चेतन पाटील, मुन्ना शेख, सागर परदेशी, नरेंद्र सिंग पाटील व शिवसेना युवासेनेचे पदाधिकारी व कार्यकर्ते उपस्थित होते.
