मुंबई, 4 नोव्हेंबर : देश सेवा करण्याची संधी मिळावी, असे अनेक तरूणांचे स्वप्न असते. दरम्यान, सुरक्षा दलांत भरती होण्यासाठी तरूणांना मोठी संधी उपलब्ध झाली आहे. ‘एसएससी जीडी’ व सीआरपीएफ कॉन्स्टेबल पदासाठी भरती प्रक्रिया राबविण्यात येत आहे.
स्टाफ सिलेक्शन कमीशन भरती (SSC GD) –
संरक्षण दलाच्या वेगवेगळ्या गटांत एक लाख 10 हजार पदांची मेगाभरती करण्यात येत आहे. 18 ते 23 वयोगटातील तरूणांना या संधीचा लाभ घेता येणार आहे. ‘एसएससी जीडी’ (SSC GD) या पदाच्या 84 हजार 866 जागांसाठी ही भरती घेण्यात येत आहे. तसेच केंद्रीय राखीव पोलीस दलाच्या कॉन्स्टेबल (CRPF Constable) पदाच्या 30 हजार जागांची भरती घेण्यात येत आहे.
‘अशी’ असेल प्रक्रिया –
24 नोव्हेंबरपासून ही दोन्ही भरतींसाठी अर्ज करण्याची प्रक्रिया सुरू होणार आहे. दरम्यान, या भरती प्रक्रियेसाठी अर्ज करण्याची अंतिम मुदत ही 28 डिसेंबर या तारखेपर्यंत राहणार असून उमेदवार या दोन्ही गटांच्या अधिकृत वेबसाइटवर जाऊन अर्ज करू शकतात.फेब्रुवारी ते मार्चदरम्यान या पदांच्या लेखी परीक्षा होणार आहेत.
भरती होण्यासाठी महत्वाच्या बाबी –
एसएससी जीडी व सीआरपीएफ कॉन्स्टेबल या दोन्ही पदांसाठी मुला-मुलींची उंची व शारिरीक फिटनेस महत्वाचा आहे. लेखी परीक्षेनंतर शारीरिक चाचणी उत्तीर्ण करावी लागेल. लेखी परीक्षेत बुद्धिमत्ता चाचणी, सामान्यज्ञान, गणित आणि इंग्रजी विषयाची तयारी करावी लागते. यानंतर वैद्यकीय तपासणी केली जाते. अंतिम यादीत निवड झालेल्या उमेदवाराला 40 ते 45 हजारांपर्यंत पगार मिळू शकतो.
