ईसा तडवी, प्रतिनिधी
पाचोरा, 30 मे : राष्ट्रवादी काँग्रेस शरद पवार गटाचे नेते जितेंद्र आव्हाड यांनी काल महाडमध्ये मनुस्मृती दहन केले होते. दरम्यान, मनुस्मृती दहन करत असतानाच आव्हाड यांच्याकडून डॉ. बाबासाहेब आंबेडकर यांचा फोटो असलेले पोस्टर फाडले गेले. याविरोधात भारतीय जनता पार्टीने राज्यभर जितेंद्र आव्हाडांविरोधात आंदोलन केले. या पार्श्वभूमीवर पाचोऱ्यात देखील जितेंद्र आव्हाडांविरोधात जोडे मारो आंदोलन करण्यात आले.
जितेंद्र आव्हाडांविरोधात जोडे मारो आंदोलन –
भाजपचे पाचोरा-भडगाव विधानसभा निवडणूक प्रमुख अमोल शिंदे यांच्या नेतृत्वात पदाधिकारी-कार्यकर्त्यांनी आज संध्याकाळी पाचोरा येथील डॉ. बाबासाहेब आंबेडकर यांच्या पुतळ्याजवळ जितेंद्र आव्हाडांच्या प्रतिमेला जोडे मारत निषेध व्यक्त केला. यावेळी भाजपच्या पदाधिकाऱ्यांनी जितेंद्र आव्हाडांविरोधात जोरदार घोषणाबाजी केली. आंदोलनकर्ते चांगलेच आक्रमक झाल्याचे पाहायला मिळाले.
आंदोनलनात यांची होती उपस्थिती –
कृ.उ.बा.समिती मा.सभापती सहकार आघडी जिल्हाध्यक्ष सतिष शिंदे, मा.पं.स.सभापती मा तालुकाध्यक्ष सुभाष पाटील, मा.पं.स. सभापती सरचिटणीस बन्सीलाल पाटील, जिल्हा उपाध्यक्ष प्रदिप पाटील, शहराध्यक्ष दिपक माने, तालुका सरचिटणीस, मुकेश पाटील, विधानसभा क्षेत्र प्रमुख संजय पाटील, शहर सरचिटणीस समाधान पाटील, जगदिश पाटील, युवा मोर्चा तालुकाध्यक्ष करण पवार, युवा मोर्चा शहराध्यक्ष योगेश ठाकुर, विजय पाटील, विनोद शेजवळ, महेश गौड, संदीप पाटील, बबलू मराठे, भैय्या पाटील, सागर महाजन, विनोद पाटील, शरद पाटील, गौरव पाटील, रोहन मिश्रा, गोकुळ दारकुंडे, रवींद्र देवरे, सनी जगताप, आकाश लांडगे, भरत पाटील, रवी चव्हाण, राजू चव्हाण, विशाल मोरे, वाल्मीक माने, हिरामण भोसले, किशोर बागुल अक्षय मंदाडे, अमोल नाथ, रामा जठार ,सुमित निकम, लखन काळे, करण गवळी, विशाल पाटील, आकाश मोरे, नानू गायकवाड, चेतन मराठे, आदी पदाधिकारी यावेळी मोठया संख्येने उपस्थित होते.
काय आहे संपुर्ण प्रकरण? –
अभ्यासक्रमात मनुस्मृतीतील श्लोक घेण्यात येणार असल्याच्या निषेधार्थ जितेंद्र आव्हाड यांनी काल महाडमध्ये मनुस्मृती दहन केले होते. मात्र, मनुस्मृती दहन करत असतानाच आव्हाड यांच्याकडून डॉ. बाबासाहेब आंबेडकर यांचा फोटो असलेले पोस्टर फाडले गेले. दरम्यान, डॉ. बाबासाहेब आंबेडकर यांचा फोटो फाडल्याचा आरोप झाल्यानंतर जितेंद्र आव्हाडांनी माफी देखील मागितली. मात्र, सत्ताधारी पक्षातील भाजप, राष्ट्रवादी काँग्रेस अजित पवार गट आणि शिवसेना शिंदे गटाने आव्हाडांच्या अटकेची मागणी करत त्यांच्याविरोधात राज्यभर आंदोलन केले.
हेही वाचा : रावेर तालुक्यात कॉलरा आजाराची लागण, जळगावचे कलेक्टर आयुष प्रसाद अ‍ॅक्शन मोडमध्ये
