सुनिल माळी, प्रतिनिधी
पारोळा, 1 एप्रिल : सिंधी समाजाचे आराध्य दैवत भगवान झुलेलाल यांची जयंती 10 एप्रिल रोजी केला जाणार आहे. या पार्श्वभूमीवर जय झुलेलाल सिंधी नवयुवक मंडळाच्या वतीने बैठकीचे आयोजन करण्यात आले. याप्रसंगी उत्सव समिती अध्यक्षपदी प्रशांत नागदेव तर कार्याध्यक्षपदी योगी हिंदुजा यांची सर्वानुमते निवड करण्यात आली.
उत्सव समितीसाठी सचिवपदी बन्सीलाल हिंदुजा, खजिनदारपदी किशोर नंदवानी तर प्रसिद्धी प्रमुख म्हणून विक्रमकुमार लालवाणी यांची निवड करण्यात आली. याप्रसंगी नवयुवक मंडळाचे सदस्य कमल लालवाणी, मुकेश नंदवानी, संजय हिंदुजा, सन्नी नागदेव, हरेश हिंदुजा, गिरधर लुल्ला, अन्नु हिंदुजा, मोहित वालेचा, अजय लालवाणी, भविष्य हिंदुजा, मयंक हिंदुजा, अंकुश हिंदुजा, हर्षल नंदवानी, पियुष वालेचा, विजय रहेजा, राहुल हिंदुजा, ऋशी हिंदुजा, तुषार हिंदुजा यांच्यासह इतर सदस्य उपस्थित होते.
माहिती प्रसिद्धी प्रमुख विक्रमकुमार लालवाणी यांनी दिलेल्या माहितीनुसार, सिंधी बांधवांचे आराध्य दैवत भगवान झुलेलाल यांची जयंती 10 एप्रिल बुधवारी रोजी साजरी केली जाणार असून या दिवशी समाजातील सर्व प्रतिष्ठान दिवसभर बंद राहतील. तसेच समाजाच्या वतीने विविध सामाजिक उपक्रम हाती घेण्यात आले असून त्यात प्रामुख्याने सकाळी मंदिर परिसरात स्वच्छता अभियान, पारोळा कुटीर रुग्णालयात फळ वाटप, मोटारसायकल रॅली, दुपारी समाजासाठी आम भंडारा आणि सांयकाळी शहरातील युवा नेतृत्वांच्या हस्ते भगवान झुलेलाल यांची महाआरती करून भव्य शोभायात्रा काढण्यात येईल. तसेच सांयकाळी देशात सुख शांती समृद्धी नांदो व समाजात सदैव एकता राहो म्हणून देवाला साकडे घालण्यात येणार असल्याची माहिती प्रसिद्धी प्रमुख विक्रमकुमार लालवाणी यांनी दिली.
हेही वाचा : गावठी पिस्टल सह जिवंत काडतुस आढळले, चोपडा पोलिसांची मोठी कारवाई
