दिल्ली, 3 फेब्रुवारी : आताची सर्वात मोठी बातमी समोर आली आहे. भारतीय जनता पक्षाचे ज्येष्ठ नेते लालकृष्ण अडवाणी यांना भारतातील सर्वोच्च भारतरत्न हा पुरस्कार जाही करण्यात आला आहे. पंतप्रधान नरेंद्र मोदी यांनी स्वत: ट्वीट करत याबाबत माहिती दिली.
पंतप्रधान नरेंद्र मोदी यांनी ट्विटमध्ये काय म्हटलं?
भाजपचे ज्येष्ठ नेते लालकृष्ण अडवाणी यांना भारतरत्न पुरस्कार जाहीर झाला आहे. पंतप्रधा नरेंद्र मोदी यांनी ट्विट करत याबाबतची माहिती दिली. आपल्या ट्विटमध्ये पंतप्रधान नरेंद्र मोदी यांनी लिहिले की, “मला सांगताना अतिशय आनंद होत आहे की, श्री लालकृष्ण अडवाणी यांना भारतरत्न प्रदान करण्यात येणार आहे. मी त्यांच्याशीही बोललो आणि हा सन्मान मिळाल्याबद्दल त्यांचे अभिनंदन केले. ते आपल्या कार्यकाळातील सर्वात प्रतिष्ठित राजकारण्यांपैकी एक असून भारताच्या विकासात त्यांचे योगदान अतुलनीय आहे. तळागाळात काम करण्यापासून ते उपपंतप्रधान म्हणून देशसेवा करण्यापर्यंतचे त्यांचे जीवन आहे. देशाचे गृहमंत्री आणि माहिती व प्रसारण मंत्री म्हणून त्यांनी वेगळी ओळख निर्माण केली. त्यांचा संसदीय सहभाग हा नेहमीच अनुकरणीय, समृद्ध अंतर्दृष्टीने भरलेला आहे.”
I am very happy to share that Shri LK Advani Ji will be conferred the Bharat Ratna. I also spoke to him and congratulated him on being conferred this honour. One of the most respected statesmen of our times, his contribution to the development of India is monumental. His is a… pic.twitter.com/Ya78qjJbPK
— Narendra Modi (@narendramodi) February 3, 2024
याआधी याआधी मागच्या महिन्यात 23 जानेवारी रोजी बिहारचे माजी मुख्यमंत्री कर्पूरी ठाकूर यांना मरणोत्तर भारतरत्न पुरस्कार देण्याची घोषणा करण्यात आली होती. कर्पूरी ठाकूर हे दोनवेळा बिहारचे मुख्यमंत्री आणि एकदा उपमुख्यमंत्री होते. राष्ट्रपती द्रौपदी मुर्मू यांनी कर्पूरी ठाकुर यांच्या जन्मशताब्दीच्या एक दिवस आधी ही घोषणा केली होती.
