पारोळा, 3 एप्रिल : सुर्यवंशी बारी समाज पारोळा यांच्यावतीने संत श्री रुपलाल महाराजांच्या पुण्यतिथी निमित्त रक्तदान शिबीर व शोभायात्रेचे आयोजन करण्यात आले. रक्तदान शिबिरास सकाळी 10 वाजता संत श्री रुपलाल महाराज यांच्या प्रतिमेचे पूजन व दिप प्रज्वलन करून सुरुवात करण्यात आली. कार्यक्रमाच्या अध्यक्षस्थानी रतन फुसे (दुय्यम निबंधक राज्य उत्पादन शुल्क पारोळा-एरंडोल विभाग) हे होते तर रक्तदान शिबिरास विविध मान्यवरांनी सदिच्छा भेट देऊन रक्तदात्यांचे अभिनंदन केले.
रक्तदान शिबिरात एकूण 51 रक्तदात्यांनी सहभाग घेतला. त्यांचे सूर्यवंशी बारी समाजाच्या समाजाच्या वतीने प्रशस्तीपत्र व भेटवस्तू देऊन आभार मानण्यात आले तर रक्तसंकलनाचे कार्य धुळे येथील निर्मल ब्लड बँक यांच्यावतीने करण्यात आले. यावेळी पारोळा नगरपरिषदेचे माजी नगराध्यक्ष गोविंद शिरोळे, डॉ. राहुल कूवर यांच्यासह विविध मान्यवरांची उपस्थिती लाभली.
पारोळ्यात निघाली शोभायात्रा –
संत श्री रुपलाल महाराज यांच्या प्रतिमेचे पूजन करून सायंकाळी 6 वाजता शोभायात्रेस प्रारंभ झाला. प्रतिमापूजन प्रसंगी बारी समाजाच्या वतीने रतन फुसे (दुय्यम निबंधक राज्य उत्पादन शुल्क पारोळा-एरंडोल विभाग), अंजली करण पाटील, चंद्रकांत पाटील, रोहन मोरे, अमोल शिरोळे यांची उपस्थिती लाभली. त्यानंतर शोभायात्रा बारी गल्ली शिवाजी विभाग येथून मार्गस्थ होऊन हत्ती गल्ली मार्गे कासार गणपती चौक, गावहोळी चौक, मोठा महादेव चौक, मडक्या मारुती चौक मार्गे बारी गल्ली गोंधळी वाडा येथे शोभायात्रेची सांगता करण्यात आली.
दरम्यान, रक्तदान शिबीर व शोभायात्रा यशस्वी करण्यासाठी सूर्यवंशी बारी समाजाचे अध्यक्ष – मोतीलाल बारी, उपाध्यक्ष – गणेश बारी, सचिव – परेश सौपुरे, महेद्र बारी, सुनील बारी, राजु बारी, सुरेश बारी, ज्ञानेश्वर बारी, दत्तात्रय बारी, ज्ञानेश्वर त्रांबक बारी, ईश्वर बारी शरद बारी, जितेंद्र बारी, अनिल बारी तसेच उत्सव समिती अध्यक्ष दीपक बारी, उपाध्यक्ष लक्ष्मण बारी, सचिव मनोज बारी यांच्यासह नवयुवक मंडळ व सर्व समाज बांधवांनी कार्यक्रम यशस्वी करण्यासाठी परिश्रम घेतले.
हेही पाहा : JMFC Results : शेतकरी कुटुंबातील ऋषिकेश बनला पाचोरा तालुक्यातील पहिला न्यायाधीश | Success Story
