पारोळा : एन. ए. झालेल्या प्लॉटवर नोंदी लावून देण्याच्या मोबदल्यात 6 हजार रुपयांची लाच घेताना तलाठ्यास रंगेहाथ अटक करण्यात आली. महेशकुमार भाईदास सोनावणे (वय-50 वर्षे) असे आरोपी तलाठ्याचे (सजा शेवगे बुद्रुक ता. पारोळा) नाव आहे.
काय आहे संपूर्ण घटना –
तक्रारदार आणि त्यांचे भाऊ यांच्या शेवगे बुद्रुक ता. पारोळा येथील N. A. झालेल्या शेतातील 9 प्लॉटवर नोंदी लावून देण्याच्या मोबदल्यात आरोपी तलाठी महेशकुमार भाईदास सोनावणे यांनी तक्रारदार यांच्याकडे प्रत्येक नोंद घेण्यासाठी 1130 प्रमाणे एकूण 9 नोंदी लावून देण्याच्या मोबदल्यात 10,170 रुपयाची लाच मागणी केली. यामध्ये तडजोडीअंती 6000 रुपये ठरली.
याप्रकरणी तक्रारदाराने लाचलुचपत विभागाशी संपर्क साधत याप्रकरणी तक्रार केली असता लाचलुचपत विभागाने सापळा रचला. यावेळी आरोपी तलाठीला पंचासमक्ष लाच स्विकारना रंगेहाथ पकडण्यात आले. याप्रकरणी आरोपी तलाठी महेशकुमार सोनावणे यांच्या विरुध्द पारोळा पोलीस स्टेशनमध्ये भ्रष्टाचार प्रतिबंध अधिनियम 1988 चे कलम 7 अन्वये गुन्हा दाखल प्रकिया चालू आहे.
ही कारवाई पोलीस अधीक्षक (ला.प्र.वि,नाशिक परीक्षेत्र) शर्मिष्ठा घारगे- वालावलकर यांच्या मार्गदर्शनाखाली सापळा अधिकारी एसीबीच्या पोलीस निरीक्षक स्मिता नवघरे यांच्यासह पोलीस हेड कॉन्स्टेबल किशोर महाजन, पोलीस कॉन्स्टेबल राकेश दुसाने, पोलीस कॉन्स्टेबल पोळ यांच्या पथकाने केली.
