जळगाव, 29 नोव्हेंबर : महाराष्ट्र शासनाने राज्यातील विविध नगरपरिषदा आणि नगरपंचायतींच्या निवडणुकांच्या पार्श्वभूमीवर मंगळवार, 2 डिसेंबर 2025 रोजी सार्वजनिक सुट्टी जाहीर केली आहे. ही सुट्टी संबंधित स्थानिक स्वराज्य संस्थांच्या मतदारसंघांमध्ये लागू राहणार आहे.
सरकारने मंत्रालयातील सर्व विभागांना निर्देश दिले आहेत की, त्यांच्या अधिनस्त सर्व शासकीय, निमशासकीय कार्यालये, महामंडळे, मंडळे यांना हा निर्णय कळवावा. तसेच संबंधित नगरपरिषद आणि नगरपंचायत क्षेत्रातील केंद्र शासनाची कार्यालये, सार्वजनिक उपक्रम, बँका यांनाही ही सुट्टी लागू राहील. महत्त्वाचे म्हणजे, मतदारसंघाबाहेर नोकरीसाठी गेलेले मतदार असतील, तरीही त्यांना मतदानासाठी ही सुट्टी लागू होणार आहे.
जळगाव जिल्ह्यातील जामनेर, अमळनेर, भडगाव, भुसावळ, चाळीसगाव, चोपडा, धरणगाव, एरंडोल, फैजपूर, मुक्ताईनगर, नशिराबाद, पारोळा, रावेर सावदा, शेंदुर्णी, वरणगांव तसेच यावल याठिकाणी नगरपरिषद/नगरपंचायतीच्या निवडणूका होत असून सदर भागातील मतदारसंघात 2 डिसेंबर 2025 रोजी सार्वजनिक सुट्टी जाहीर करण्यात आली आहे.
💥Video | शिवसेना की भाजप? | नगरपरिषद निवडणुकीत पाचोरा वासियांची कोणाला साथ? | Ground Report
