लोहारी (पाचोरा), 28 मार्च: पाचोरा तालुक्यातील लोहारी गावचे सुपुत्र आणि केंद्रीय औद्योगिक सुरक्षा दल (CISF) मध्ये हेड कॉन्स्टेबल म्हणून कार्यरत असलेले जवान बापू उखा कोळी (वय 44) यांना कर्तव्य बजावताना वीरमरण आले. 27 मार्च 2025 रोजी पश्चिम बंगालमधील जलपाईगुडी येथे विधानसभा निवडणूक ड्युटीदरम्यान त्यांचे निधन झाले.
जवान बापू कोळी यांना कर्तव्य बजावताना वीरमरण –
पश्चिम बंगालमध्ये विधानसभा निवडणुकीची प्रक्रिया पार पडत आहे. या पार्श्वभूमीवर बापू कोळी यांची नाशिक येथून पश्चिम बंगालमधील जलपाईगुडी येथे विधानसभा निवडणूकीसाठी नेमणूक करण्यात आली होती. दरम्यान, जलपाईगुडी येथे विधानसभा निवडणूक ड्युटीदरम्यान कर्तव्य बजावताना त्यांना वीरमरण आले.
24 वर्षे बजावली देशसेवा –
अंत्यसंस्काराबाबत लवकरच माहिती दिली जाणार –
वीरजवान बापू कोळी पश्चात पत्नी, एक मुलगा, एक मुलगी, भाऊ आणि बहीण असा परिवार आहे. त्यांच्या निधनामुळे लोहारी गावासह पंचक्रोशीत शोककळा पसरली आहे. दरम्यान, त्यांचे पार्थिव पश्चिम बंगालमधून त्यांच्या मूळ गावी आज रवाना करण्यात येणार असून अंत्यसंस्काराची दिनांक आणि वेळ लवकरच जाहीर करण्यात येणार असल्याचे सांगण्यात आले आहे.
