पारोळा, 16 फेब्रुवारी : राज्यासह देशभरात छत्रपती शिवाजी महाराजांची 19 फेब्रुवारी रोजी मोठ्या उत्साहात जयंती साजरी होणार असून या पार्श्वभूमीवर रविवारी (18 फेब्रुवारी) रोजी पारोळा येथे शिवजयंतीनिमित्त छत्रपती शिवाजी महाराजांच्या भव्य अश्वारूढ पुतळ्याचे लोकार्पणासह अनेक कार्यक्रमांचे आयोजन करण्यात आले आहे.
अश्वारूढ पुतळ्याचे होणार लोकार्पण –
पारोळा येथे रविवार (18 फेब्रुवारी) रोजी राजे छत्रपती शिवाजी महाराज यांचा भव्य अश्वारूढ पुतळ्याचा भव्य लोकापर्ण सोहळा पार पडणार आहे. आमदार चिमणराव पाटील यांच्या हस्ते अश्वारूढ पुतळ्याचे लोकार्पण करण्यात येणार आहे. तसेच एरंडोल नगरपरिषदेचे मुख्याधिकारी विकास नवाळे यांचा शिवव्याख्यानाचा कार्यक्रम आयोजित करण्यात आला आहे. जळगाव जिल्हा मध्यवर्ती सहकारी बँक लिमिटिचे उपाध्यक्ष अमोल चिमणराव पाटील यांची या कार्यक्रमास उपस्थिती राहणार आहे.
असे आहे कार्यक्रमाचे नियोजन –
- पारोळ्यातील आझाद चौक – रथ चौक – नगरपलिका चौक – शिवतीर्थ परिसरातून सायंकाळी 5 वाजेपासून भव्य मिरवणुक सोहळा.
- मिरवणुकिचे मुख्य आकर्षण – दुर्गा वाहिनी संचलित दुर्गा शौर्य तर्फे दंडप्रदर्शन, लेझिम व नाशिक ढोल
- सायंकाळी 7: 30 वाजता – राजे छत्रपती श्री शिवाजी महाराज यांचा पुतळा लोकार्पण सोहळा
- रात्री 8 वाजता – भव्य शिव व्याख्यानाचा कार्यक्रम, ठिकाण – शिवतीर्थ, पारोळा
हेही वाचा : ‘ताईंना विधानभवनात पाठवायचंय’, भडगाव येथील मेळाव्यात आदित्य ठाकरे नेमकं काय म्हणाले? –
