नवी दिल्ली : पंतप्रधान नरेंद्र मोदी हे पत्रकार परिषद घेत नाहीत, असा आरोप त्यांच्यावर केला जातो. मात्र, निवडणुकीच्या कालावधीमध्ये त्यांनी अनेक माध्यमांना मुलाखती दिल्या होत्या. तसेच यानंतर आता प्रसिद्ध अमेरिकन पॉडकास्टर आणि एआय रिसर्चर लेक्स फ्रिडमॅन यांना एक प्रदीर्घ अशी मुलाखत दिली आहे.
आज पंतप्रधान नरेंद्र मोदी यांनी सोशल मीडिया प्लॅटफॉर्मवर याबाबतची एक पोस्ट शेअर केली. यामध्ये त्यांनी म्हटले की, माझे बालपण, हिमालयातील वर्षे आणि सार्वजनिक जीवनातील प्रवास यासह विविध विषयांचा समावेश असलेल्या विषयावर लेक्स फ्रिडमॅन यांच्याशी साधलेला संवाद हा एक आकर्षक संवाद होता.
3 तासांची प्रदीर्घ मुलाखत –
लेक्स फ्रिडमॅन यांनीसुद्धा या पॉडकास्टची माहिती एक्सवर दिली. यांत त्यांनी लिहिले की, “आपण नरेंद्र मोदी यांच्या सोबत एक शानदार 3 तासांच्या पॉडकास्टमध्ये बातचीत केली आहे. ही मुलाखत माझ्या जीवनातील सर्वात मोठ्या मुलाखतीपैकी एक आहे.”
It was indeed a fascinating conversation with @lexfridman, covering diverse topics including reminiscing about my childhood, the years in the Himalayas and the journey in public life.
Do tune in and be a part of this dialogue! https://t.co/QaJ04qi1TD
— Narendra Modi (@narendramodi) March 15, 2025
मुलाखत कुठे आणि कधी पाहता येणार –
पंतप्रधान नरेंद्र मोदी यांची ही मुलाखत पाहण्यासाठी सर्वजण उत्सुक असून हा पॉडकास्ट आज सायंकाळी 5.30 वाजता रिलीज केला जाणार आहे. हा पॉडकास्ट तुम्हाला लेक्स फ्रिडमॅन आणि पंतप्रधान नरेंद्र मोदी यांच्या यांच्या यूट्यूब चॅनलवर पाहता येणार आहे.
