ईसा तडवी, प्रतिनिधी
पाचोरा, 22 जून : पाचोरा तालुका सहकारी शिक्षण संस्थेच्या श्री शेठ मुरलीधरजी मानसिंगका साहित्य, विज्ञान व वाणिज्य महाविद्यालयाच्या प्रांगणात 21 जून रोजी सकाळी साडेसहा वाजता आंतरराष्ट्रीय योग दिवस मान्यवरांच्या उपस्थितीत मोठ्या उत्साहात साजरा करण्यात आला.
या कार्यक्रमात बीज मंत्रासह सूर्यनमस्कार, त्यासोबतच शयन स्थिती, विपरीत शयन स्थिती, बैठक स्थिती व दंड स्थितीतील निवडक आसनांचा अभ्यास करण्यात आला. प्राणायामानंतर प्रार्थनेने योगवर्गाचा समारोप करण्यात आला. सदर कार्यक्रमासाठी कनिष्ठ महाविद्यालयाचे उपप्राचार्य प्रा. एस. एस. पाटील, प्रा. डॉ. अतुल सूर्यवंशी, प्रा. डॉ. श्रावण तडवी यांनी योगशिक्षक म्हणून प्रात्यक्षिके दाखवली.
या कार्यक्रमासाठी महाविद्यालयाचे प्राचार्य डॉ. शिरीष पाटील, उपप्राचार्य. प्रा. डॉ. वासुदेव वले, उपप्राचार्य प्रा. डॉ. जे. व्ही. पाटील, कनिष्ठ महाविद्यालयाचे उपप्राचार्य प्रा. एस. एस. पाटील, पर्यवेक्षक डॉ. जे. पी. बडगुजर, वरिष्ठ महाविद्यालयातील राष्ट्रीय सेवा योजना कार्यक्रम अधिकारी आर. बी. वळवी, माजी विद्यार्थी संघाचे प्रमुख प्रा. डॉ. जे. डी. गोपाळ, पाचोरा तालुका क्रीडा समन्वयक प्रा. गिरीश पाटील, विद्यार्थी विकास अधिकारी प्रा. डॉ. श्रावण तडवी, राष्ट्रीय सेवा योजनेचे सहाय्यक कार्यक्रमाधिकारी प्रा. स्वप्निल भोसले, प्रा. डॉ. कमलाकर इंगळे, प्रा. डॉ. माणिक पाटील, प्रा. डॉ. योगेश पुरी, प्रा. डॉ. दिलीप पाटील, प्रा. एन. वाय. पाटील, प्रा. महेंद्र महाजन, प्रा. अमित येवले, प्रा. महेश नेरपगार, भूषण वाघ, सुदाम वाघ, गोविंद शेलार, वरिष्ठ व कनिष्ठ महाविद्यालयातील प्राध्यापक बंधू भगिनी, ग्रंथालय विभाग तथा शिक्षकेतर कर्मचारी, पत्रकार बांधव मोठ्या संख्येने उपस्थित होते.
हेही वाचा : Breaking! सर्पदंशाने 13 वर्षीय बालिकेचा मृत्यू; पाचोरा तालुक्यातील लासगाव येथील दुर्दैवी घटना
