जळगाव, 19 फेब्रुवारी : जळगाव जिल्हा पोलीस दलाच्यावतीने पोलीस शिपाई पदाच्या 171 जागांसाठी सध्या भरती प्रक्रिया राबविण्यात येत आहे. यासाठी 11 फेब्रुवारीपासून ते 22 फेब्रुवारीपर्यंत शारीरिक चाचणी प्रक्रियेला सुरूवात झाली आहे. दरम्यान, ज्या उमेदवारांना 11 ते 18 फेब्रुवारी दरम्यान शारीरिक चाचणीसाठी तारीख देण्यात आली होती. परंतु, ज्यांनी या कालावधीत वैयक्तिक किंवा इतर कारणास्तव चाचणीस हजेरी लावू शकली नाही, अशा उमेदवारांना शुक्रवार, दिनांक २० फेब्रुवारी २०२६ रोजी सकाळी ५.०० वाजता अंतिम संधी देण्यात आली आहे.
संबंधित उमेदवारांनी आपले योग्य कारण नमूद करून निर्धारित वेळी उपस्थित राहावे, असे आवाहन करण्यात आले आहे. यावेळी उपस्थित न राहणाऱ्या उमेदवारांना यानंतर कोणतीही संधी दिली जाणार नसल्याचे स्पष्ट करण्यात आले आहे. त्यामुळे संबंधित सर्व उमेदवारांनी या सूचनेची गंभीर दखल घ्यावी, असे जिल्हा पोलीस प्रशासनाने कळविले आहे.
काय आहे संपुर्ण बातमी? –
जळगांव जिल्हा पोलीस दलाचे आस्थापनेवरील रिक्त असलेल्या १७१ पोलीस शिपाई पदांसाठी उमेदवारांची शारीरीक मोजमाप व मैदानी चाचणी परीक्षा दिनांक 11 फेब्रुवारीपासून ते 22 फेब्रुवारीपर्यंत आयोजित करण्यात आलेली आहे.
त्याअनुषंगाने जळगांव जिल्हा पोलीस शिपाई भरती-२०२४-२०२५ मध्ये ऑनलाईन आवेदन अर्ज सादर केलेल्या पुरुष उमेदवारांसाठी शारीरीक मोजमाप व मैदानी चाचणीचा शेवटचा दिनांक २०/०२/२०२६ असून महिला उमेदवारांसाठी शारीरीक मोजमाप व मैदानी चाचणी परीक्षेचा शेवटचा दिनांक २२/०२/२०२६ असा आहे.
दरम्यान, ज्या उमेदवारांना दिनांक ११/०२/२०२६ पासून जळगांव जिल्हा पोलीस दलाचे आस्थापनेवरील पोलीस शिपाई भरती-२०२४-२०२५ च्या शारीरीक मोजमाप व मैदानी चाचणी परीक्षेस काही कारणास्तव हजर राहता आले नाही. अशा पुरुष उमेदवारांनी योग्य त्या कारणासह दिनांक २०/०२/२०२६ रोजी सकाळी ०५.०० वाजता शारीरीक मोजमाप व मैदानी चाचणी परीक्षेस उपस्थित रहावे. त्यांनतर आलेल्या पुरुष उमेदवारांचा विचार करण्यात येणार नसल्याचेही जळगाव पोलिसांनी स्पष्ट केलं आहे.
