संदीप पाटील, प्रतिनिधी
पारोळा/जळगाव : आगामी विधानसभा निवडणुकीच्या पार्श्वभूमीवर राजकीय पक्षांकडून पक्ष संघटनेच्या बांधणीसाठी नियुक्त्या करण्यात येत आहेत. दरम्यान, पारोळा येथील डॉ. महेश पवार यांची राष्ट्रवादी काँग्रेस अजित दादा गटाच्या डॉक्टर सेलच्या जळगाव जिल्हाध्यक्षपदी निवड करण्यात आली आहे.
डॉक्टर सेलच्या जळगाव जिल्हाध्यक्षपदी निवड –
राष्ट्रवादी काँग्रेस (अजित पवार गट) पक्षाचे अध्यक्ष सुनिल तटकरे यांच्या मान्यतेनुसार, डॉ. महेश पवार यांची डॉक्टर सेलच्या जळगाव जिल्हा अध्यक्ष पदावर नियुक्ती करण्यात आली आहे. राज्याचे उपमुख्यमंत्री अजित पवार यांच्या हस्ते त्यांना मुंबईत नियुक्तीपत्र देण्यात आले.
राष्ट्रवादी काँग्रेस पार्टी- अजित पवार गट, डॉक्टर्र सेल बळकट करण्यासाठी तसेच राष्ट्रवादी काँग्रेस पक्षाची ध्येय धोरणे सर्वसामान्यांपर्यंत पोहचविण्यासाठी आपली सहकार्य राहील, असे मला विश्वास आहे, असे राष्ट्रवादी काँग्रेसचे डॉक्टर सेलच्या प्रदेश कार्याध्याक्षांनी दिलेल्या नियुक्तीपत्रात नमूद केले आहे. दरम्यान, राष्ट्रवादी काँग्रेस पक्षामार्फत वैद्यकीय क्षेत्रातील माझ्या डॉक्टर बांधवांना, वैद्यकीय क्षेत्रातील बंधू-भगिनीना सर्वतोपरी सहकार्य आणि न्याय देण्याचा प्रयत्न करणार असल्याची भावना डॉ. महेश पवार यांनी त्यांच्या नियुक्तीनंतर व्यक्त केली आहे.
हेही वाचा : ‘संघावर बोलण्याची राऊतांची पात्रता आहे का?’, मंत्री गिरीश महाजन कडाडले, नेमकं काय म्हणाले?
