मुंबई, 22 जून : ओबीसी आंदोलनाला छगन भुजबळ हेच सर्व काही पुरवत आहेत. तुमचे राजकीय राजकीय करिअर उद्ध्वस्त नाही केले तर नाव बदलेन, असा इशारा मराठा आंदोलक मनोज जरांगे पाटील यांनी दिला आहे. दरम्यान, मंत्री छगन भुजबळ यांनी मुंबईत प्रसारमाध्यमांसोबत बोलताना जरांगे यांना प्रत्युत्तर दिले आहे.
काय म्हणाले छगन भुजबळ? –
मंत्री छगन भुजबळ प्रसार माध्यमांसोबत बोलताना म्हणाले की, मी मंत्रि‍पदाचा राजीनामा दिला आहे आणि आमदारकीचे काय घेऊन बसले आहात. माझे राजकीय करिअर हे पुढे न्यायचे की नाही, हे माझ्या पक्षाच्या आणि जनतेच्या हातात आहे. जनतेचे कोर्ट हे सर्वश्रेष्ठ आहे. राजकीय करिअर संपवण्याच्या धमकीला छगन भुजबळ घाबरत नाहीत. उद्या, मी घरी बसलो तरी ओबीसी समाजाच्या मुद्द्यावरुन रस्त्यावर उतरुन लढेन. दरम्यान, छगन भुजबळ हे आज ओबीसी आरक्षणाच्या मागणीसाठी आंदोलन करणारे लक्ष्मण हाके यांची जालन्यात भेट घेणार आहेत.
काय म्हणाले होते मनोज जरांगे? –
मराठा आंदोलक मनोज जरांगे यांनी मंत्री छगन भुजबळ यांच्यावर काल जोरदार टीका केली होती. ओबीसी आंदोलक आमचे विरोधकच नसून तो येवलावाला काड्या करत आहे. लक्ष्मण हाके यांना भुजबळांनीच उभे केले आहे. ओबीसी आंदोलनाला भुजबळ सगळे पुरवत आहेत. तुमचे राजकीय करिअर उद्ध्वस्त नाही केले तर नाव बदलेन, असा इशारा मनोज जरांगे यांनी दिला होता.
हेही वाचा : मोठी बातमी! आता पेपर फोडाल तर याद राखा, देशात पेपर लिक विरोधी कायदा 2024 लागू
