एरंडोल, 5 ऑक्टोबर: एरंडोल येथील डीडीएसपी महाविद्यालयात नवीन मतदार नोंदणी प्रक्रियेला आज 5 ऑक्टोबरपासून सुरुवात झाली आहे. पात्र विद्यार्थ्यांनी व नागरिकांनी या संधीचा लाभ घेऊन मतदार यादीत आपले नाव नोंदवावे, असे आवाहन करण्यात आले आहे.
नवीन मतदार नोंदणीची प्रक्रिया आज, ५ ऑक्टोबरपासून ९ ऑक्टोबरपर्यंत महाविद्यालयात सुरू राहणार आहे. १८ वर्षे पूर्ण झालेल्या पात्र विद्यार्थ्यांना या कालावधीत नवीन मतदार म्हणून नोंदणी करता येणार आहे.
या नोंदणी उपक्रमाच्या प्रसंगी डीडीएसपी महाविद्यालयाचे प्राचार्य, महाविद्यालयातील शिक्षक व शिक्षकेतर कर्मचारी तसेच एरंडोल शहराचे ग्राम महसूल अधिकारी वैभव पाठे, आदी उपस्थित होते.
महाविद्यालयीन विद्यार्थ्यांनी मतदार नोंदणीसाठी आवश्यक कागदपत्रांसह निर्धारित कालावधीत नोंदणी प्रक्रिया पूर्ण करावी, असे आवाहन यावेळी करण्यात आले.
