ईसा तडवी, प्रतिनिधी
पाचोरा, 27 जून : आगामी स्थानिक स्वराज्य संस्थेच्या निवडणुकीच्या पार्श्वभूमीवर पाचोरा तालुका शिवसेना, युवासेना, महिला आघाडी व सर्व अंगीकृत संघटनेच्या वतीने भव्य निर्धार मेळ्याव्याचे आयोजन करण्यात आले आहे. आमदार किशोर आप्पा पाटील यांच्या उपस्थितीत पाचोरा शहरातील प्रसाद हॉल येथे उद्या शनिवार 28 जून रोजी हा मेळावा पार पडणार आहे.
शिवसेनेचा भव्य निर्धार मेळावा –
राज्यात स्थानिक स्वराज्य संस्थांच्या निवडणूक जाहीर होण्याला अवघे काही महिने शिल्लक आहेत. या पार्श्वभूमीवर पदाधिकारी-कार्यकर्त्यांच्या मार्गदर्शनासाठी शिवसेनेचा भव्य निर्धार मेळाव्याचे आयोजन करण्यात आले आहे. या मेळाव्याला पाचोरा-भडगाव विधानसभा मतदारसंघाचे आमदार किशोर आप्पा पाटील हे प्रमुख मार्गदर्शन करणार आहेत.
सध्या पाचोऱ्यात स्थानिक स्वराज्य संस्थांच्या निवडणुका तोंडावर असल्याने राजकीय हालचालींना वेग आला आहे. मागील काही महिन्यात शिंदेंच्या शिवसेनेत मोठ्या प्रमाणात इच्छुकांनी प्रवेश केलाय. असे असताना आता कार्यकर्ते पदाधिकारी यांना निवडणुकीची उत्सुकता लागलीय. दरम्यान, शिवसेनेचा हा निर्धार मेळावा पक्षबळ प्रदर्शनासोबतच कार्यकर्त्यांमध्ये नवचैतन्य निर्माण करण्याच्या दृष्टीने महत्त्वाचा मानला जात असल्याचे सांगितले जात आहे.
‘यांची’ असेल उपस्थिती –
तसेच या मेळाव्यात यावेळी जिल्हाप्रमुख रावसाहेब पाटील यांचेसह सर्व अंगीकृत संघटनाचे प्रमुख पदाधिकारी यांचेसह पाचोरा शहरातील व तालुक्यातील सर्व शिवसेना- युवासेना,महिला आघाडी व अंगीकृत संघटनेचे पदाधिकारी, सभापती, उपसभापती व संचालक मंडळ कृषी उत्पन्न बाजार समिती पाचोरा-भडगाव, व्हॉ.चेअरमन, संचालक मंडळ शेतकी संघ पाचोरा आजी-माजी नगराध्यक्ष. उपनगराध्यक्ष व नगरसेवक, न.पा पाचोरा ग्रामपंचायतीचे सरपंच व सदस्य, वि.का सोसायटीचे चेअरमन, व्हॉइसचेअरमन व संचालक मंडळ तसेच शाखाप्रमुख, उपशाखा प्रमुख, बुथप्रमुख, शिवदुत व शिवसैनिक यांची उपस्थिती लाभणार आहे,
