पाचोरा, 5 एप्रिल: पाचोरा येथे शिवसेनेच्या वतीने भव्य मेळावा व सत्कार समारंभाचे आयोजन करण्यात आले असून आमदार किशोर आप्पा पाटील यांचा विशेष सत्कार करण्यात येणार आहे. अमरावती लोकसभा मतदारसंघाच्या संपर्कप्रमुखपदी निवड झाल्याबद्दल त्यांचा हा सत्कार आयोजित करण्यात आला आहे.
पाचोऱ्यात शिवसेनेचा उद्या मेळावा –
पाचोऱ्यातील जुना सारोळा रोडवरील समर्थ लॉन्स येथे उद्या सोमवार 6 एप्रिल रोजी शिवसेनेचा भव्य मेळावा व सत्कार समारंभ पार पडणार आहे. आगामी स्थानिक स्वराज्य संस्था निवडणुका, मतदान यादी पुनर्निरीक्षण (SIR) तसेच जनगणना यांसंदर्भात कार्यकर्त्यांना मार्गदर्शनही या मेळाव्यात करण्यात येणार आहे.
या कार्यक्रमात अमरावती लोकसभा संपर्कप्रमुखपदी निवड झाल्यानिमित्त पाचोरा-भडगावचे आमदार किशोर आप्पा पाटील यांचा भव्य सत्कार करण्यात येणार आहे. शिवसेनेचे मुख्य नेते तथा राज्याचे उपमुख्यमंत्री एकनाथ शिंदे यांच्या आदेशानुसार हा कार्यक्रम आयोजित करण्यात आला आहे. पाचोरा व भडगाव तालुक्यातील शिवसेना, युवासेना पदाधिकारी, महिला आघाडी, विविध संघटना, शाखाप्रमुख, बूथप्रमुख आणि कार्यकर्त्यांनी मोठ्या संख्येने उपस्थित राहण्याचे आवाहन करण्यात आले आहे. दरम्यान, उपस्थितांसाठी भोजनाचीही व्यवस्था करण्यात आली असल्याची माहिती आयोजकांकडून देण्यात आली आहे.
