मुंबई, 22 ऑक्टोबर : शैक्षणिक जीवानात विद्यार्थ्यांसाठी दहावीचे वर्ष हे अत्यंत महत्वाचे मानले जाते. असे असाताना गणित तसेच विज्ञान या विषयांची भिती जर विद्यार्थ्यांच्या मनात असली तर विद्यार्थी किमान काठावर का पास होईना म्हणजे त्या विषयात 35 मार्क्स मिळविण्यासाठी प्रयत्नशील असतात. मात्र, आता विद्यार्थ्यांसाठी मोठी बातमी समोर आली आहे. आता विद्यार्थ्यांना दहावीच्या बोर्डाच्या परीक्षेत गणित आणि विज्ञान या विषयांमध्ये 35 पेक्षा कमी आणि 20 पेक्षा जास्त गुण मिळाले, तरीही अकरावीमध्ये प्रवेश घेता घेणार आहे.
नेमका बदल काय? –
बोर्डाच्या परीक्षेत गणित आणि विज्ञान या विषयांमध्ये 35 पेक्षा कमी आणि 20 पेक्षा जास्त गुण मिळाले, तरी असा विद्यार्थी पुढील शिक्षण घेऊ शकणार आहे. मात्र, त्यांच्या रिझल्टवर एक विशिष्ट शेरा देण्यात येणार आहे. त्यामुळे विद्यार्थ्यांना आता दोन पर्याय समोर असणार आहेत. एक म्हणजे प्रमाणपत्र घेऊन अकरावीसाठी प्रवेश घेणे किंवा पुन्हा ती परीक्षा देणे. दरम्यान, नव्या अभ्यासक्रम आराखड्यात यासंदर्भात तरतूद करण्यात आली आहे.
त्याच विद्यार्थ्यांना हा नियम लागू होणार –
मात्र, हा पर्याय त्या विद्यार्थ्यांसाठी आहे ज्यांना पुढे गणित किंवा विज्ञान या दोन्ही विषयांवर आधारित कोणतेही करिअर करायचे नाही. त्या विद्यार्थ्यांना हा नियम लागू होणार असून त्यामुळे ज्यांना विज्ञान किंवा गणित हे विषय घेऊन उच्च शिक्षण घ्यायचे नाही, त्यांना याचा फायदा होणार आहे. दरम्यान, यामुळे विद्यार्थ्यांसाठी गणित तसेच विज्ञान विषयाची भिती कायमची वजा होणार आहे.
हेही वाचा : MLA Kishor Appa Interview : पाचोरा-भडगाव विधानसभा मतदारसंघाचे आमदार किशोर पाटील यांची स्फोटक मुलाखत
