ईसा तडवी, प्रतिनिधी
नांद्रा (पाचोरा) – पाचोरा तालुक्यातील आप्पासाहेब पी. एस. पाटील माध्यमिक विद्यालय नांद्रा येथे तालुका विज्ञान प्रदर्शनाचे आयोजन करण्यात आले होते. शाश्वत भविष्यासाठी विज्ञान आणि तंत्रज्ञान अशी यावर्षाची थीम होती.
आमदार किशोर आप्पा पाटील यांनी यांच्या अध्यक्षतेखाली हे तालुकास्तरीय विज्ञान प्रदर्शन आयोजन नांद्रा येथे पार पडले. काल 24 डिसेंबर मंगळवार रोजी पार पडलेल्या या तालुकास्तरीय विज्ञान प्रदर्शनात तालुक्यातील सर्वच प्राथमिक, माध्यमिक शाळांनी सहभाग घेतला. तसेच आपापल्या स्तरावरून विज्ञान प्रोजेक्टचे सादरीकरण केले.
दरम्यान, या विज्ञान प्रदर्शनात पाचोरा तालुक्यातील जि. प. प्रा. शाळा मोंढाळे येथील विद्यार्थ्यांनीही सहभाग घेतला. यावेळी शाळेचे विद्यार्थी प्रतिनिधी, मुख्याध्यापक अरुण पाटील, शिक्षक मार्गदर्शक रविंद्र कुंभार आदी उपस्थित होते. मोंढाळे येथील विद्यार्थ्यांनी घनकचरा व्यवस्थापनाचे या विषयावर सादरीकरण केले.
अन्न, आरोग्य आणि स्वच्छता (Food, Health And Hygiene)
वाहतुक आणि दळणवळण (Transport And Communication)
नैसर्गिक शेती (Natural Farming)
आपत्ती व्यवस्थापन (Disaster Management)
गणितीय मॉडेलिंग आणि संगणकीय विचार (Mathematical Modeling and Computational Thinking)
कचरा व्यवस्थापन (Waste Management)
संसाधन व्यवस्थापन (Resource Management)
