नांदेड, 16 एप्रिल : राज्यात गुन्हेगारीच्या घटनांमध्ये वाढ होत असतानाच नांदेडमधून उपसरपंचाच्या विकृत कृत्याची बातमी समोर आलीय. एका 16 वर्षीय मुलीवर उपसरपंचाने गुंगीचं औषध देऊन अत्याचार केल्याचे उघडकीस आले आहे. दरम्यान, वेळोवेळी गुंगीचे औषध देऊन पीडितेसोबत संबंध ठेवत लैंगिक अत्याचार केला. यातून पीडित मुलगी गर्भवती राहिली असता तिने मुलीला जन्म दिला.
मात्र, आता हे संपूर्ण प्रकरण दाबण्यासाठी आरोपीने जन्मलेल्या बाळाला विकण्यात आल्याचा संशय व्यक्त केला जात असून पुढील तपास नांदेड पोलीस करत आहेत. तसेच उपसरपंच बाबुराव तुपेकर याच्यावर त्याच्यावर पोक्सो अंतर्गत गुन्हा नोंदवण्यात आला असून त्याला अटक करण्यात आली आहे.
नेमकं काय प्रकरण? –
मिळालेल्या माहितीनुसार, नांदेडमधील एक 16 वर्षांच्या अल्पवयीन मुलीसोबत गावातीलच उपसरपंचाने अनैतिक संबंध ठेवत गुंगीच्या गोळ्या खाऊ घालत त्याने लैंगिक अत्याचार केला.दरम्यान, अनैतिक संबंधांमधून अल्पवयीन मुलगी गरोदर राहिली अन् मागील महिन्यात नांदेड शहरातील शासकीय रुग्णालयात तिने एका मुलीला जन्म दिला. दरम्यान, स्वतःची इज्जतीची अब्रू विकली जाईल, या भीतीने आरोपी उपसरपंचाने नवजात बाळाला विकल्याचा संशय व्यक्त केला जात आहे.
गेल्या वर्षभरापासून हे प्रकरण दाबण्याचा प्रयत्न सुरु असल्याची देखील माहिती समोर आली असून पीडित मुलीच्या बाळाला विकण्यात आल्याचा संशय व्यक्त केल्याने हे प्रकरण समोर आले आहे. तामसा पोलीस ठाण्याच्या हद्दीतील ही घटना असून आरोपी उपसरपंच बाबुराव तुपेकर याला अटक करण्यात आला असून पुढील तपास नांदेड पोलीस करित आहेत. नांदेड जिल्ह्याचे पोलीस अधीक्षक अबिनाश कुमार यांनी याबाबतची माहिती दिली आहे.
