धुळे, 20 ऑक्टोबर : धुळे जिल्ह्यातील शिरपुर तालुक्यात भोईटी गावाचे शिवारात गांजालागवड केल्याप्रकरणी पोलिसांनी 19 ऑक्टोबर रोजी दुपारी 15.20 वाजेच्या सुमारास छापा मारत मोठी कारवाई केली आहे. याप्रकरणी तिघांवर गुन्हा दाखल करण्यात आला असून जगन गुलाब पावरा रा. भोईटी ता. शिरपुर जि.धुळे, दिलीप भावसिंग पावरा रा. भोईटी ता.शिरपुर जि.धुळे, लाला सोमज्या पावरा रा. अमरिशनगर ता. शिरपुर जि.धुळे असे आरोपींचे नाव आहे.
मिळालेल्या माहितीनुसार, शिरपुर तालुक्यात भोईटी गावाचे शिवारात वनपट्टा जमीनीवर जगन गुलाब पावरा, दिलीप भावसिंग पावरा आणि लाला सोमज्या पावरा या तिघांनी यांनी संगनमताने त्यांचे स्वतःचे आर्थिक फायद्यासाठी प्रतिबंधीत असलेला मानवी मेंदुवर विपरीत परिणाम करणारा एकुण 37, 50, 000 रु.कि.चे एकुण 1500 किलो वजनाचा ओले गांजा सदृश्य अंमली पदार्थांचे झाडांची वेकायदेशीररित्या लागवड केली. तसेच त्याची चोरटी विक्री करण्याचे उद्देशाने त्यांचे शेतात मिळुन आल्याने त्यांच्यावर कारवाई करण्यात आली.
सदर आरोपींविरोधात शिरपुर तालुका पोलीस स्टेशन गु.र.नं. 274/2024 गुंगीकारक औषधीद्रव्य आणि मनोव्यापारावर परिणाम करणारे पदार्थ अधिनियम 1985 चे कलम 8 (c), 20(b)(ii), 22 (क) प्रमाणे गुन्हा दाखल करण्यात आला. विशेष पोलीस महानिरीक्षक, नाशिक परिक्षेत्र नाशिक कार्यालयाकडील तसेच शिरपुर तालुका पोलीस स्टेशन कडील पोलीस अधिकारी व अंमलदार यांनी संयुक्तिकरित्या छापा मारत ही कारवाई केली.
हेही वाचा : Breaking : भाजपची पहिली यादी जाहीर, मोदी-शहांकडून खान्देशात कुणाला मिळाली संधी?
