जालना, 4 नोव्हेंबर : विधानसभा निवडणुकीच्या पार्श्वभूमीवर काल 3 ऑक्टोबर कोण-कोणत्या मतदारसंघांमध्ये निवडणूक लढवणार, याची माहिती मराठा आरक्षण आंदोलनाचे नेते मनोज जरांगे पाटील यांनी दिली होती. तसेच कोणत्या जागेवरील उमेदवार पाडण्याचे याबाबतही त्यांनी सांगितले होते. मात्र, आज मनोज जरांगे पाटील यांनी मोठा निर्णय घेत विधानसभा निवडणुकीतून माघार घेत असल्याचे जाहीर केले आहे.
अंतरवाली सराटीत नेमका काय घेतला निर्णय? –
मराठा आरक्षण आंदोलनाचे नेते मनोज जरांगे यांनी विधानसभा निवडणुकीतून माघार घेण्याचा निर्णय घेतला असून याबाबत ते म्हणाले की, मित्रपक्षाची यादी आलेली नाही. त्यामुळे एका जातीवर निवडणूक लढणे आणि जिंकणे शक्य नाहीये. त्यामुळे समाज बांधवांनी आपापले अर्ज काढून घ्यावेत आणि उमेदवार द्यायचा नाही, आता कोणाला पाडायचे ते पाडा आणि कोणाला आणायचे ते आणा, असे आवाहन मनोज जरांगे पाटील यांनी आज 4 नोव्हेंबर रोजी केले.
मनोज जरांगे यांची विधानसभा निवडणुकीतून माघार –
मनोज जरांगे पाटील यांनी रविवारी दिवसभरात विधानसभा निवडणुकीसाठी इच्छुक असणाऱ्या उमेदवारांची बैठक घेतली होती. मराठा, मुस्लिम आणि दलित अशी त्रिसूत्री हाती घेत या बैठकीत 25 मतदार संघावर चर्चा करण्यात आली. रात्री 14 मतदार संघ ठरवून मराठा समाजाचे उमेदवार अंतिम करायचे होते. तसेच इतर ठिकाणी मुस्लिम, दलित मित्रपक्षातील उमदेवार देण्यावर चर्चा करण्यात आली. दरम्यान, आज सोमवारी पहाटे 5 वाजेपर्यंत कोणत्या जागांवर निवडणूक लढवायची, एका जातीवर निवडणूक लढायची का यावर चर्चा करण्यात आली. परंतु, मित्रपक्षाची यादी सकाळी 9 वाजले तरी आलेली नाही.
यानंतर मनोज जरांग म्हणाले की, यादी आली नसली तरी ते मित्रपक्ष आपलेच आहेत. त्यामुळे मनोज जरांगे पाटील यांनी समाजाच्या जिवावर निवडणूक लढविता येत नाही. महाविकास आघाडी असो किंवा महायुती असो कोणी आमच्या कामाचे नाहीये. त्यामुळे कोणाला पाडा आणि कोणाला आणा म्हणण्यात अर्थ नाहीये. दरम्यान, मनोज जरांगे पाटील यांनी मोठा निर्णय घेत विधानसभा निवडणुकीतून माघार घेत असल्याचे जाहीर केले आहे
हेही वाचा : ‘माहेरचा आहेर दर महिन्याला मिळणार;’ मुख्यमंत्री एकनाथ शिंदे यांचे भाऊबीजनिमित्त आश्वासन
