ईसा तडवी, प्रतिनिधी
पाचोरा, 8 नोव्हेंबर : विधानसभा सार्वत्रिक निवडणूक 2024 च्या पार्श्वभुमीवर निवडणूक आयोग यांचेकडून नियुक्त केलेले निवडणूक निरीक्षक खर्च रोहित इंदोरा (IRS) यांनी 18- पाचोरा विधानसभा मतदार संघ येथे दिनांक 7 नोव्हेंबर रोजी पाचोरा येथे भेट दिली.
निवडणूक निरीक्षक खर्च यांनी या भेटीत निवडणूकी कामी नियुक्त केलेल्या पथकांच्या कक्षेत भेटी दिल्यात व तदनंतर सर्व विधानसभा सार्वत्रिक निवडणूक 2024 करीता निवडणूक लढविणारे उमेदवार यांच्या आजतायागत झालेल्या खर्चाचा विस्तृत स्वरुपात खर्च नियंत्रण कक्षातील अधिकारी/ कर्मचारी तसेच उमेदवारा यांचे नियुक्त प्रतिनिधी यांचेकडून आढावा घेतला.
त्यामध्ये सर्व उमेदवार यांनी केलेल्या दैनंदिनी खर्च त्यांचे बॅक स्टेटमेंट, चेक स्टेटमेंट, Fund Transfer, Withdrawal यांच्या सर्व दैनंदिन खर्चाच्या नोंदी हया Shadow रजिस्टर नुसार अद्यावत असल्याची खात्री केली. तसेच सोशल मिडीया, प्रिंट मिडीया, इलेक्ट्रॉनिक मिडीया, याबाबत केलेल्या कार्यावाहीचा आढावा घेतला.
यावेळी सहायक खर्च निरीक्षक राकेश रंजन, निवडणूक निर्णय अधिकारी तथा 18- पाचोरा विधानसभा मतदार संघ भूषण अहिरे, सहायक निवडणूक निर्णय अधिकारी विजय बनसोडे व शितल सोलाट तसेच उमेदवार/प्रतिनिधी, सर्व खर्च नियंत्रण कक्षातील अधिकारी/कर्मचारी उपस्थित होते.
हेही वाचा : विधानसभा सार्वत्रिक निवडणुकीच्या मतदानासाठी 20 नोव्हेंबर रोजी सुट्टी जाहीर
