ईसा तडवी, प्रतिनिधी
लासगाव (पाचोरा), 21 नोव्हेंबर : राज्यात विधानसभा निवडणुकीसाठी काल 20 नोव्हेंबर रोजी मतदान पार पडले. दरम्यान, मतदारांनी मतदान करुन लोकशाहीचा उत्सव मोठ्या उत्साहास साजरा केला. विधानसभा निवडणुकीच्या मतदानाची आकडेवारी समोर आली असून यामध्ये पाचोरा भडगाव मतदारसंघातील लासगावात 70.24 टक्के मतदान झाले तर पाचोरा भडगाव मतदारसंघात एकूण 68.70 टक्के मतदान झाले.
लासगावात 70.24 टक्के मतदान –
लासगावात एकूण मतदार 2 हजार 373 इतके आहेत. यापैकी पुरूष मतदारांची संख्या 1247 इतकी आहे तर महिला मतदारांची संख्या 1126 इतकी आहे. दरम्यान, लासगावात असलेल्या मतदारांपैकी एकूण पुरूष 877 आणि महिला 790 अशा एकूण 1667 मतदारांनी आपला मतदानाचा हक्क बजावला. विधानसभा निवडणूक 2024 साठी लासगावात झालेल्या मतदानाची अंतिम टक्केवारी 70.24 इतकी आहे.
पाचोरा-भडगाव मतदारसंघातील मतदानाची टक्केवारी –
पाचोरा-भडगाव मतदारसंघात एकूण मतदार 3 लाख 33 हजार 860 इतके मतदार आहेत. यामध्ये पुरूष मतदारांची संख्या 1 लाख 72 हजार 061 इतकी आहे. तर महिला मतदारांची संख्या 1 लाख 61 हजार 790 इतकी आहे. तसेच इतर उमेदवार 9 आहेत. दरम्यान, पाचोरा-भडगाव मतदारसंघातील एकूण 1 लाख 18 हजार 526 पुरूष तर 1 लाख 10 हजार 846 महिला तर इतर 5 मतदार अशा एकूण 2 लाख 29 हजार 377 मतदारांनी आपला मतदानाचा हक्क बजावला. विधानसभा निवडणूक 2024 साठी पाचोरा भडगाव मतदारसंघात झालेल्या मतदानाची अंतिम टक्केवारी 68.70 टक्के इतकी आहे.
लासगावात शांततेत पार पडले मतदान –
लासगाव येथील जिल्हा परिषद शाळेत शांततेत मतदान पार पडले. यावेळी मतदान प्रक्रिया पार पडण्यासाठी निवडणुक आयोगाच्यावतीने नियुक्त करण्यात आलेले अधिकारी-कर्माचारी, पोलीस कर्मचारी, सरपंच समाधान पाटील, सर्व ग्रामपंचायत सदस्य, पोलीस पाटील पंजाबसिंग दंगल पाटील, अंगणवाडी सेविका माया सुनिल पाटील, अरुणा त्र्यंबक वानखेडे, कमलबाई झुंबर सिंग पाटील, आशा सेविका संगीता मंगल धनगर, मदतनिस तिरोना धोंडू सुर्यवंशी, सरला पंडीत तायडे, अरीफा सादीक शेख, यांच्यासह लासगाव ग्रामस्थांनी सहकार्य केले.
23 रोजी निकाल –
राज्यात सर्वत्र विधानसभा निवडणुकीची प्रक्रिया पार पडली. दरम्यान, 23 नोव्हेंबर शनिवार रोजी विधानसभा निवडणूक 2024 चा निकाल जाहीर होणार आहे.
हेही वाचा : Teacher Accident News : इलेक्शन ड्युटी आटोपून घरी जाताना मोटारसायकल अपघातात शिक्षक ठार; चोपड्यात झाला अपघात
