मुंबई, 14 डिसेंबर : महाराष्ट्र विधानसभा निवडणुकीत महायुतीला मोठं बहुमत मिळाल्यानंतर महाविकास आघाडीचा दारूण पराभव झाला आहे. यानंतर महाविकास आघाडीतील शरद पवारांचा राष्ट्रवादी काँग्रेस हा पक्ष भाजपला पाठिंबा देणार की अजित दादांच्या राष्ट्रवादीत एकत्र येणार याबाबत अनेक चर्चा सुरू आहेत. अशातच अजित दादांच्या राष्ट्रवादी काँग्रेसचे आमदार सुनिल शेळके यांनी सूचक विधान केले आहे.
आमदार सुनिल शेळके यांचे सूचक विधान –
आमदार सुनिल शेळके म्हणाले की, राष्ट्रवादी काँग्रेस पक्ष हा एकसंघ होत असेल, एकत्रितपणाने सर्व जर हातात हात घालून काम करत असतील तर आम्हाला देखील आनंद आहे. परंतु ज्या कार्यकर्त्यांनी मागील कठीण काळात दादांना साथ दिली. संघर्षाच्या काळात दादांसोबत राहिले. त्या सर्व पदाधिकारी-कार्यकर्त्यांना विश्वासात घ्यावे लागेल. उद्याच्या काळात जर काही घडामोडी घडल्या तर आश्चर्य वाटण्याचे कारण नाही.
View this post on Instagram
दादा मला वाचवा –
सहा महिन्यांपुर्वी लोकसभेची निवडणूक पार पडली. त्यावेळेला जे लोकं अजित दादांवर टीका-टिप्पणी करत होते आणि ‘काका मला वाचवा’ असे भरसभेत सांगत होते. मात्र, आज अजित पवारांना तेच लोक सांगताएत की, ‘दादा मला वाचवा,’ असा टोला सुनिल शेळके यांनी लगावलाय.
हेही वाचा : दादरमधील हनुमान मंदिराबाबतच्या नोटिसला स्थगिती, भाजप आमदार मंगलप्रभात लोढांनी दिली महत्त्वाची माहिती
