ईसा तडवी, प्रतिनिधी
पाचोरा, 28 जानेवारी : पाचोरा तालुक्यात सर्रास वाळू वाहतूक सुरू असते. याच पार्श्वभूमीवर अवैधरित्या वाळू वाहतूक विरोधात पाचोरा पोलिसांनी विशेष मोहीम राबवत 27 जानेवारी रोजी मध्यरात्रीस मोठी कारवाई केल्याची माहिती समोर आली आहे. पाचोरा पोलिसांनी अवैध वाळू वाहतूक करणाऱ्यांना चार जणांना अटक करत तीन ट्रॅक्टरसह एक डंपर जप्त करत गुन्हा दाखल केला आहे.
काय आहे संपुर्ण बातमी? –
मिळालेल्या माहितीनुसार, पाचोरा शहरात पाचोरा पोलिसांनी विशेष मोहीम राबवून अवैद्यरित्या वाळूची वाहतुक करणाऱ्या 04 वाहनांवर 27 जानेवारी रोजी मध्यरात्रीस कायदेशीर कारवाई केली आहे. त्यांच्याविरोधात भारतीय न्याय संहिता कलम 303(2) प्रमाणे कारवाई करण्यात आली आहे. पाचोरा पोलीस ठाण्यात अवैध वाळू वाहतूक करणाऱ्या चार जणांविरोधात गुन्हा दाखल करण्यात आला आहे.
सदर गुन्ह्यातील आरोपींकडून खालीलप्रमाणे वाहन तसेच मुद्देमाल जप्त करण्यात आले आहे.
1) आकाश सुभाष तडवी वय-26 (रा. कृष्णापुरी ता पाचोरा) याचे कडुन 4 लाख 50 हजार रूपये किंमतीचे स्वराज कंपीनीचे ट्रक्टर ट्राली सह त्यात 4000/- रु किंची एक ब्रास वाळू
2) समिर अमिर तडवी (वय 19 रा. आर्वे ता. पाचोरा) याचेकडून 4 लाख रूपये किंमतीचे स्वराज कंपनीचे ट्रक्टर व 4000/- रु किंमतीची एक ब्रास वाळू
3) संजय देवचंद परदेशी (वय 33 रा पुनगाव ता पाचोरा व आकाश लाडगे रा. पाचोरा) यांचे ताब्यातून 500000/- रु कि चा डंपर तसेच 20000/- रु किंची 5 ब्रास वाळू
4) सुलतान दादभाउ तडवी (वय-21 रा कृष्णापुरी पाचोरा व सोमनाथ पाटील रा पाचोरा) यांचे ताब्यातून 3 लाख रूपये किंमतीचे स्वराज कंपनीचे ट्रक्टर व 4000/- रु किंमतीची 1 ब्रास वाळू
सदरची कारवाई ही पोलीस अधीक्षक डॉ. महेश्वर रेड्डी, अपर पोलीस अधिक्षक कविता नेरकर, उपविभागीय पोलीस अधिकारी धनंजय येरुळे यांच्या मार्गदर्शनाखाली पोलीस निरीक्षक अशोक पवार, पोलीस उपनिरीक्षक योगेश गणगे, पोलीस उपनिरीक्षक सुनिल पाटील, सहायक फोजदार पांडुरंग सोनवणे, पोलीस हेड कॉन्टेबल राहुल शिंपी, पोलीस हेड कॉन्टेबल भोजराज धनगर यांनी केलेली आहे.
