अमळनेर, 24 मार्च : अमळनेर तालुक्यातील ढेकु सिम येथील जिल्हा परिषद शाळेतील गरीब व गरजू विद्यार्थ्यांना अखिल भारतीय मराठा महासंघाचे संस्थापक अध्यक्ष अण्णासाहेब पाटील यांच्या पुण्यतिथीनिमित्त शालेय साहित्य व फळ वाटप करण्यात आले. यावेळी अखिल भारतीय मराठा महासंघाचे संस्थापक अध्यक्ष अण्णासाहेब पाटील यांची कार्याची माहिती उत्तर महाराष्ट्र प्रमुख डॉ. बी. बी. भोसले यांनी करून दिली. यासोबत त्यांनी मुलांना अण्णासाहेब पाटील यांच्या कार्यविषयी मार्गदर्शन केले.
तसेच जळगाव जिल्हा उपाध्यक्ष विश्वास पाटील यांनी कै आ. अण्णासाहेब पाटील यांच्या जीवनावर प्रकाश टाकत त्यांची सामाजिक बांधिलकी व संघटन विषयी माहिती दिली, समाजाला न्याय न मिळाल्याने स्वतःचे जीवाचा त्याग करून आहुती देणार उदार दातृत्व असणारे व्यक्तिमत्व म्हणजेच आमदार अण्णासाहेब पाटील हे होय, असे गौरवद्गगार विश्वास पाटील यांनी यावेळी काढले. यासोबतच संघटन शक्तीचे महत्व याविषयी त्यांनी उदाहरण देऊन सांगितले.
कार्यक्रमाचे प्रमुख पाहुणे म्हणून उत्तर महाराष्ट्र संपर्कप्रमुख डॉ. बी. बी. भोसले, जिल्हा उपाध्यक्ष विश्वासराव पाटील यांची उपस्थिती होती. यावेळी ढेकु सिमच्या सरपंच सुरेखा पाटील, शरद पाटील, किशोर पाटील, आदींनी आपले मनोगत व्यक्ती केले. याप्रसंगी गोकुळ पाटील पिंपळे, ग्रामिण जिल्हाध्यक्ष उमेश पाटील, ढेकू सिमचे उपसरपंच पुरुषोत्तम चौधरी उपसरपंच आदी मान्यवर उपस्थित होते. कार्यक्रमाचे प्रास्ताविक गजानन चौधरी यांनी केले तर आभार उमेश पाटील यांनी मानले.
