जळगाव, 1 एप्रिल : बचत गटातील महिलांकडून अनेक प्रकारच्या वस्तूंचे उत्पादन केले जाते आणि बचत गटांच्या माध्यमातून तयार होणाऱ्या वस्तूंची विक्री करता यावी, म्हणून रुरल मार्ट तयार करण्यासाठी जिल्हा परिषदेच्या मुख्य कार्यकारी अधिकारी मिनल करनवाल यांनी प्राधान्यक्रम देण्याचे ठरविले आहे. यानुसार जळगाव जिल्ह्यात पाच ठिकाणी रुरल मार्ट तयार करण्यात येणार असून यासाठी जिल्हा नियोजन समितीकडून 5 कोटींचा निधी देखील मंजूर झाला आहे. प्रत्येक मार्टसाठी 1 कोटीप्रमाणे एकूण 5 कोटींचा निधी मिळणार आहे.
बहिणाबाई मार्ट नावाने रुरल मार्टची निर्मिती –
महिला बचत गटांकडून तयार होणाऱ्या वस्तू व इतर उत्पादन, खाद्य पदार्थांची विक्री करता येणार असून या रुरल मार्टमुळे जळगाव जिल्ह्यात बचत गटातील महिलांना हक्काची बाजारपेठ मिळणार आहे. दरम्यान, हे रुरल मार्ट “बहिणाबाई मार्ट” नावाने ओळखले जाणार आहे. दरम्यान, बचत गटांमध्ये तयार होणाऱ्या उत्पादनाला कायमची बाजारपेठ मिळावी म्हणून हे रुरल मार्ट फायदेशीर ठरणार आहेत.
जळगाव जिल्ह्यातील ‘या’ पाच ठिकाणी होणार रुरल मार्ट –
जिल्हा ग्रामीण विकास यंत्रणेच्या माध्यमातून जळगाव जिल्ह्यात 30 हजार बचत गटांमध्ये 3 लाखांपर्यंतच्या महिला कार्यरत आहेत. दरम्यान, या बचत गटांच्या माध्यमांतून तयार होणाऱ्या वस्तूंची विक्री करता यावी, यासाठी जिल्हा परिषदेकडून 5 ठिकाणी रुरल मार्ट तयार करण्यात येणार आहेत. या रुरल मार्टसाठी जिल्ह्यातील पाच ठिकाणांची निवड करण्यात आली आहे. म्हसावद (ता. जळगाव), पाळधी (ता. धरणगाव), जामनेर, साकेगाव (ता. भुसावळ), नगरदेवळा (ता. पाचोरा) यांचा यामध्ये समावेश आहे.
View this post on Instagram
सुवर्ण खान्देश लाईव्ह न्यूजला दिलेल्या मुलाखतीत सीईंनी केला होता उल्लेख –
मिनल करनवाल या जळगाव जिल्हा परिषदेच्या मुख्य कार्यकारी अधिकारी म्हणून रूजू झाल्यानंतर त्यांची ‘सुवर्ण खान्देश लाईव्ह’ने नुकतीच मुलाखत घेतली. दरम्यान, या मुलाखतीत त्यांनी जळगाव जिल्ह्यातील महिलांसाठी रुरल मार्ट तयार करणार असल्याचे सांगितले. आपल्या बचत गटांच्या महिलांसाठी रुरल मार्ट. माझ्या मनात इच्छा होती की, या महिलांना त्यांची उत्पादने विकण्यासाठी स्वतंत्र जागा असली पाहिजे. म्हणून मी त्यात काम करण्यास इच्छुक आहे, असे मिनल करनवाल यावेळी म्हणाल्या.
संपुर्ण मुलाखत पाहण्यासाठी खालील लिंकवर क्लिक करा –
