ईसा तडवी, प्रतिनिधी
पाचोरा/जळगाव, 1 मे : महाराष्ट्र दिनानिमित्त आज पोलीस मुख्यालय जळगाव येथे जिल्हा पोलीस दलातील अधिकारी-कर्मचाऱ्यांना पालकमंत्री गुलाबराव पाटील यांच्या हस्ते पोलीस महासंचालक सन्मानचिन्ह 2025 प्राप्त अधिकारी/अंमलदार प्रदान करण्यात आले. यामध्ये पाचोरा पोलीस स्टेशनचे अंमलदार रमेश शंकर कुमावत यांना पालकमंत्र्यांचा हस्ते ‘पोलीस महासंचालक सन्मानचिन्ह’प्रदान करण्यात आले.
उत्कृष्ट सेवा, प्रामाणिक कार्य, आणि नागरिकांच्या सुरक्षेसाठी दिलेल्या निस्वार्थ योगदानाची ही राज्यस्तरीय पातळीवरील मान्यता आहे, राष्ट्रपतींच्या पोलीस पदकानंतर मानल्या जाणाऱ्या या प्रतिष्ठित सन्मानासाठी जळगाव जिल्ह्यातील काही पोलीस अधिकारी-कर्मचाऱ्यांची ठळक नोंद पोलीस महासंचालक रश्मी शुक्ला यांनी जाहीर केलेल्या यादीत घेण्यात आलीय. यामध्ये रमेश शंकर कुमावत यांच्या नावाचा समावेश होता. त्यानुसार त्यांना आज पालकमंत्र्यांचे हस्ते सन्मानित करण्यात आले.
यावेळी जिल्हाधिकारी डॉ. आयुष प्रसाद, जिल्हा पोलीस अधीक्षक डॉ. महेश्वर रेड्डी, अप्पर पोलीस अधीक्षक अशोक नखाते, जिल्हा परिषदेच्या मुख्य कार्यकारी अधिकारी मिनल करनवाल, अपर जिल्हाधिकारी अंकुश पिनाटे, जिल्हा क्रीडा अधिकारी रवींद्र नाईक आदी मान्यवर उपस्थित होते.
पोलीस महासंचालक सन्मानचिन्ह 2025 प्राप्त अधिकारी/अंमलदार:
शामकांत पाटील (पोलीस उपअधिक्षक, गृह जळगाव), प्रविण ढाके (नाहसं जळगाव ), जितेंद्र पाटील, (स्थानिक गुन्हे शाखा), गोरखनाथ बागुल (स्थानिक गुन्हे शाखा), विनोद पाटील (सावदा पोलीस स्टेशन), रमेश कुमावत (पाचोरा पोलीस स्टेशन), दिलीप कुलकर्णी (जिल्हा विशेष शाखा जळगाव), हरिष कोळी (पो. मु. जळगाव), आशिष चौधरी (पो. मु. जळगाव), सचितानंद अहिरे ( पो. अ. कार्यालय, जळगाव), महिला पोलीस शिपाई जागृती काळे (मानव संसाधन कार्यलय, जळगाव)
हेही पाहा : पुण्याची ऋतुजा NDA च्या परिक्षेत देशात पहिली; परिक्षेच्या तयारीबाबत सांगितली अभ्यासपूर्ण माहिती
