जळगाव, 11 जून : जळगाव शहरासह जिल्ह्यातील विविध भागात आज सांयकाळी विजेच्या गडगडासह मुसळधार पावसाने हजेरी लावलीय. यामुळे जळगाव शहरात मोठ्या प्रमाणात वादळामुळे झाडे पडलेले आहेत. तसेच जिल्ह्यातील विविध भागात वीजप्रवाह खंडीत झाल्याचे समजते.
जळगावात वादळी पाऊस –
जळगाव शहरात मोठ्या प्रमाणात वादळामुळे झाडे पडलेले आहेत. त्यामुळे रस्ता ब्लॉकेज झालेले आहेत. तसेच जळगाव धुळे हायवेवर सुद्धा पॉलीटेक्निक कॉलेजच्या पुढील बांभोरी कॉलेज पर्यंतच्या रस्त्यावर झाडे पडलेल्यामुळे हायवे ब्लॉकेज आहे व लोकांचे जळगाव शहरांमध्ये घरांचे व दुकानाचे पत्र वादळाने उडून गेल्याचे समजते. दरम्यान, जळगाव जिल्ह्यात झालेल्या वादळी पावसामुळे झालेल्या नुकसानीचा आढावा घेतला जात असून जिल्हाधिकारी आयुष प्रसाद जिल्ह्यातील सर्वं यंत्रणेच्या संपर्कात आहेत.
वीजपुरवठा खंडित –
जळगाव शहरासह जिल्ह्यातील विविध भागात वादळी पाऊस झाल्याने ग्रामीण भागातील वीज पुरवठा खंडीत झालाय. पावसाच्या जोरदार तडाख्यामुळे अनेक ठिकाणी वीज पोल व तारांमध्ये तांत्रिक बिघाड झालाय. अनेक ठिकाणी झाडे तसेच वीज पोल कोलमडून पडल्याने वीज पुरवठा खंडित झालाय.
