जळगाव, 28 जून : प्रत्येक महिन्याच्या पहिल्या सोमवारी जिल्हास्तरीय लोकशाही दिनाचे आयोजन करण्यात येते. त्यानुसार जुलै महिन्यातील लोकशाही दिनाचे आयोजन येत्या सोमवारी 3 जुलै 2023 रोजी करण्यात आले आहे. या लोकशाही दिनाचे आयोजन आहे सकाळी 11 वाजता जळगाव जिल्हाधिकारी कार्यालयातील सभागृहात करण्यात आले आहे, अशी माहिती देण्यात आली आहे.
तरी जिल्ह्यातील नागरिकांनी यापूर्वी तालुका लोकशाही दिनात अर्ज केलेला असेल आणि सदर अर्जासंबंधी एका महिन्याच्या आत तालुकास्तरावरुन कोणतेही उत्तर मिळाले नसेल, अशाच वैयक्तिक हितसंबंधाबाबतच्या तक्रारी घेऊन लोकशाही दिनी उपस्थित रहावे, असे आवाहन निवासी उपजिल्हाधिकारी रविंद्र भारदे यांनी केले आहे.
