ईसा तडवी, प्रतिनिधी
पाचोरा, 29 जून : प्रारंभिक आंतरराष्ट्रीय मानवाधिकार एवं महिला अपराध नियंत्रण संघटन नवी दिल्ली.(रजि. भारत सरकार) पाचोरा तालुका संघटनेच्या वतीने पाचोरा पोलीस उप विभागीय अधिकारी धनंजय वेरुळे आणि पाचोरा पोलीस स्टेशनचे पोलीस निरीक्षक राहुल खताळ यांचा नुकताच सत्कार करण्यात आला. मानवाधिकार संघटनेचे महाराष्ट्र राज्य अध्यक्ष शशिकांत दुसाने यांच्या हस्ते शाल, श्रीफळ व पुष्पगुच्छ देऊन हा सत्कार करण्यात आला.
यावेळी पोलीस निरीक्षक राहुल खताळ यांनी मानवाधिकार संघटनेचे महाराष्ट्र राज्य अध्यक्ष शशिकांत दुसाने यांच्याकडून संघटनेच्या कामाविषयी जाणून घेतले. तसेच त्यावर समाजात काम करताना करताना येणाऱ्या अडीअडचणीवर कसा तोडगा काढावा याविषयीसुद्धा संवाद साधला.
या सत्कार प्रसंगी पाचोरा तालुका संघटनेचे तालुका अध्यक्ष विलास पाटील, उपाध्यक्ष प्रकाश विसपुते, सचिव इंद्रनिल पाटील, जनसंपर्क अधिकारी इसा तडवी, तसेच महिला अध्यक्षा मंदाकिनी पाटील, महिला संघटक सुषमा पाटील, महिला सह संघटक ललिता पाटील आणि इतर पदाधिकारी उपस्थित होते.
