पारोळा, 23 जून : महाराष्ट्र शासनच्या इमारत व इतर बांधकाम कामगार कल्याणकारी मंडळाच्यावतीने तसेच एरंडोल-पारोळा मतदारसंघाचे आमदार अमोल पाटील यांच्या प्रयत्नांतुन 25 मेपासून एरंडोल विधानसभा मतदारसंघातील बांधकाम कामगारांची बायोमेट्रीक नोंदणी कार्यक्रम राबविण्यात आला. या बायोमेट्रीक नोंदणी झालेल्या बांधकाम कामगारांना आज आमदार अमोल पाटील यांच्या हस्ते संसारोपयोगी भांड्यांचा सेट वितरित करण्यात आला.
यांची होती उपस्थिती –
याप्रसंगी शहरप्रमुख अमृत चौधरी, शेतकी संघाचे उपाध्यक्ष प्रकाश पाटील, कैलास पाटील, योगेश पाटील, कोमल पाटील, प्रविण चौधरी, मयुर भोई, महेंद्र बारी, कासोदा येथील मयुर पाटील, अमोल पवार, भुषण शेलार, रंगराव पाटील सर, पुरूषोत्तम पाटील यांच्यासह बांधकाम कामगार उपस्थित होते.
बायोमेट्रीक KYC नोंदणी केलेल्यांना योजनेचा लाभ –
एरंडोल-पारोळा विधानसभा मतदारसंघात सुरू केलेल्या बायोमेट्रीक KYC नोंदणीत एकुण 10 हजारांपेक्षा अधिक बांधकाम कामगारांनी नोंदणी केलेली आहे. आजपासुन या बायोमेट्रीक KYC केलेल्या बांधकाम कामगारांना प्रत्यक्षात संसारोपयोगी भांडे वाटपास सुरूवात झाली. दैनंदिन माझ्या कार्यालयाकडुन 500 लोकांना त्यांचा नोंदणी केलेल्या संपर्क क्रमांकावर संपर्क साधुन त्यांना संसारोपयोगी भांडे घेवुन जाण्याचे सांगण्यात येत आहे, अशा प्रकारे जेवढ्या लोकांनी बायोमेट्रीक KYC नोंदणी केली आहे, त्या सर्वांनाच लाभ होणार आहे.
तसेच नविन बायोमेट्रीक KYC नोंदणीचे संकेतस्थळ बंद असुन ते देखील सुरू झाल्यास नविन नोंदणी करण्याचा विचार असल्याचे मत आमदार अमोल पाटील यांनी यावेळी मांडले. मागील वर्षी पासून बांधकाम कामगारांकरिता सरकार विविध उपक्रम राबवित आहेत. राज्यातील प्रत्येक गरीब व्यक्ती हा विकासाच्या मुख्य प्रवाहामध्ये येण्याकरिता बांधकाम कामगार योजना व त्यासारख्या असंख्य योजना सरकार राबवित आहेत. बांधकाम कामगार हा महाराष्ट्राच्या विकासातील एक महत्वपूर्ण घटक आहे.
राज्यामध्ये 2020 मध्ये बांधकाम कामगार योजनेची सुरुवात करण्यात आली होती. त्यामधीलच एक कार्यक्रम म्हणजे संसारोपयोगी भांडे वाटप आहे. ही योजना महाराष्ट्र इमारत व बांधकाम कामगार कल्याण मंडळा मार्फ़त संपूर्ण राज्यभर राबविण्यात येत आहे. तसेच योजने मार्फत पात्र बांधकाम कामगारांना भांड्यांचा संच मोफत मिळणार आहे. ज्या कामगारांना स्वयंपाक बनविण्याकरिता उपयुक्त ठरणार आहेत. योजनेमार्फत महाराष्ट्र राज्यात आत्तापर्यंत 5 लाखांपेक्षा अधिक नोंदीत बांधकाम कामगारांनी लाभ घेतला आहे.
