ईसा तडवी, प्रतिनिधी
पाचोरा, 9 मार्च: बारामती कॅटल फीड्स एमआयडीसी-श्रीरामपूर या कंपनीच्या वतीने पाचोरा तालुक्यातील सातगाव डोंगरी येथील जि.प. मराठी शाळेतील विद्यार्थ्यांना टिफीन व टिफीन बॅगचे नुकतेच मोफत वाटप करण्यात आले. या कार्यक्रमाला कंपनीचे प्रतिनिधी तुषार बाविस्कर उपस्थित होते. त्यांच्या हस्ते विद्यार्थ्यांना टिफीन व टिफीन बॅगचे वितरण करण्यात आले.
याप्रसंगी शाळा व्यवस्थापन समितीचे अध्यक्ष दिवाणसिंग उमराव पाटील, गोकुळ भावसिंग परदेशी, मुख्याध्यापक जितेंद्र बाबूलाल पाटील तसेच शाळेतील सर्व शिक्षकवृंद व पालक मोठ्या संख्येने उपस्थित होते.
या उपक्रमामुळे विद्यार्थ्यांमध्ये आनंदाचे वातावरण निर्माण झाले. उपस्थित मान्यवरांनी या सामाजिक उपक्रमाबद्दल बारामती कॅटल फीड्स कंपनी व कंपनीचे प्रतिनिधी तुषार बाविस्कर यांचे आभार मानले.
