ईसा तडवी, प्रतिनिधी
सातगाव डोंगरी (पाचोरा), 21 मार्च: पाचोरा तालुक्यातील सातगाव डोंगरी येथे संगीतमय श्रीमद् भागवत कथेला 20 मार्च 2026 रोजी भक्तिमय वातावरणात प्रारंभ झाला असून आज, 21 मार्च रोजी कथेचा दुसरा दिवस रंगत आहे. या कथेसाठी भागवताचार्य प.पू. योगी हिरानंदजी महाराज यांचे प्रभावी वाणीमधून मार्गदर्शन लाभत असून दररोज रात्री 8 ते 11 या वेळेत कथा सादर केली जात आहे.
कै. भावसिंग लालचंद राजरवाल यांच्या पुण्यस्मरणार्थ या कथेचे आयोजन करण्यात आले आहे. येत्या शुक्रवार, 27 मार्च 2026 रोजी या कथेची सांगता होणार आहे. ग्रंथराज ज्ञानेश्वरी पारायण व्यासपीठाचे ह.भ.प. मोहनबाप्पा यांचेही मार्गदर्शन या सोहळ्यास लाभत आहे.
गोकुळ भावसिंग राजरवाल (परदेशी), सुकलाल भावसिंग राजरवाल (परदेशी), तसेच राजरवाल अॅग्रो एजन्सी अँड ठिबक सिंचन व समस्त राजरवाल (परदेशी) परिवार, सातगाव डोंगरी यांच्या वतीने या कथेचे आयोजन करण्यात आले आहे.
या संगीतमय कथेतील तबला वादनासाठी सुनिल पाटील (पिंपळगाव हरे), वेशभूषेसाठी विशाल महाराज (अमरावती), गायनासाठी उमाताई शिवपुजे (शेंदुर्णी), ऑर्गन वादनासाठी प्रशांत पाटील (शिंदाड) तसेच अॅक्टोपॅड वादनासाठी तेजस पाटील (पिंपळगाव हरे) यांचे सहकार्य लाभत आहे.
दरम्यान, श्रीमद् भागवत पुराण हे अठरा पुराणांपैकी एक असून, यात कृष्णलीलेचे सार आहे. वारकरी संप्रदायात आणि सनातन धर्मात भागवत सप्ताह वाचणे व ऐकणे अत्यंत पवित्र मानले जाते. ग्रामस्थांनी या ज्ञानयज्ञाचा लाभ घ्यावा, असे आवाहन आयोजकांकडून करण्यात आले आहे.
हेही वाचा: Big Breaking! रूपाली चाकणकर यांच्याकडून राज्य महिला आयोगाच्या अध्यक्षपदाचा राजीनामा
