VIDEO | Pachora Knowledge Festival 2026: ‘पाचोऱ्यात शैक्षणिक क्षेत्रात नवा अध्याय’; उद्या भव्य ज्ञानोत्सवाचे आयोजन

नर्मदा इंटरनॅशनल स्कूलतर्फे आयोजित ‘ज्ञानोत्सव’ कार्यक्रमास मान्यवरांची विशेष उपस्थिती लाभणार आहे. कार्यक्रमाच्या अध्यक्षस्थानी बुलढाणा अर्बन बँकेचे संस्थापक अध्यक्ष भाईजी राध्येशामजी चांडक राहणार असून, प्रमुख मार्गदर्शक म्हणून महाराष्ट्रातील सुप्रसिद्ध व्याख्याते गणेश शिंदे यांचे मार्गदर्शन लाभणार आहे. तसेच, प्रमुख पाहुणे म्हणून राज्य शिक्षक पुरस्कार प्राप्त मुंबई येथील संजय पाटील उपस्थित राहणार आहेत. या मान्यवरांच्या उपस्थितीत उद्या रविवार, दि. २२ मार्च रोजी सायंकाळी ५ वाजता भव्य ‘ज्ञानोत्सव’ संपन्न होणार आहे. कार्यक्रमानंतर उपस्थितांसाठी रुचकर भोजनाचीही व्यवस्था करण्यात आली आहे.

पाचोऱ्यात शैक्षणिक क्षेत्रात नवा अध्याय –

पाचोरा-भडगाव परिसरात गुणवत्तापूर्ण व आधुनिक शिक्षणासाठी उत्तम व्यासपीठ उपलब्ध व्हावे, या दूरदृष्टीतून नर्मदा इंटरनॅशनल स्कूलची पाचोरा शहरात दि. ११ जूनपासून सुरुवात होत आहे. या पार्श्वभूमीवर, शाळेत उपलब्ध करून देण्यात येणाऱ्या अत्याधुनिक सोयी-सुविधांची सविस्तर माहिती विद्यार्थी व पालकांपर्यंत पोहोचवण्यासाठी नर्मदा इंटरनॅशनल स्कूलतर्फे भव्य ज्ञानोत्सवाचे आयोजन करण्यात आले असल्याची माहिती आमदार किशोर आप्पा पाटील यांनी दिली.

दरम्यान, या ज्ञानोत्सवाला शिक्षण क्षेत्रातील तज्ञ, पालक व विद्यार्थ्यांनी मोठ्या संख्येने उपस्थित राहावे, असे आवाहन आमदार किशोर आप्पा पाटील तसेच नर्मदा इंटरनॅशनल स्कूल परिवारातर्फे करण्यात आले आहे. विद्यार्थ्यांच्या सर्वांगीण विकासाला चालना देत नवी पिढी घडविण्यासाठी हा उपक्रम एक प्रभावी चळवळ ठरेल, असा विश्वास आयोजकांनी व्यक्त केला आहे.