पाचोरा, 25 एप्रिल: राष्ट्रपिता महात्मा ज्योतिबा फुले आणि विश्वरत्न डॉ. बाबासाहेब आंबेडकर यांच्या संयुक्त जयंतीनिमित्त पाचोरा-भडगाव तालुका सार्वजनिक जयंती उत्सव समितीच्या वतीने भव्य सांस्कृतिक कार्यक्रमाचे आयोजन करण्यात आले आहे. या कार्यक्रमात महाराष्ट्राचे सुप्रसिद्ध सिनेगीत गायक आनंद शिंदे यांचा ‘भिमगीतांचा शिंदेशाही बाणा’ (ऑर्केस्ट्रा) सादर होणार आहे.
पाचोरा बस स्थानकाजवळील नागसेन नगर येथे आज शनिवार, 25 एप्रिल रोजी सायंकाळी 7 वाजता हा कार्यक्रम पार पडणार आहे. कार्यक्रमाचे अध्यक्षस्थान पाचोरा-भडगावचे आमदार किशोरआप्पा पाटील भूषवणार आहेत. कार्यक्रमासाठी विशेष सहकार्य एम.एस.पी. बिल्डकॉनचे संचालक मनोज शांताराम पाटील यांचे लाभले आहे.
यावेळी नगराध्यक्षा सुनिताताई पाटील, प्रांताधिकारी भूषण अहिरे, उपविभागीय पोलिस अधिकारी बापू रोहम, तहसीलदार विजय बनसोडे तसेच पोलीस निरीक्षक राहुल पवार, मुख्याधिकारी मंगेश देवरे, कृषी उत्पन्न बाजार समितीचे सभापती गणेश पाटील, गीतकार सागर पवार (मुंबई), आदी मान्यवरांची प्रमुख उपस्थिती राहणार आहे.
दरम्यान, या कार्यक्रमासाठी शिवसेना शिवशक्ती-भिमशक्ती जळगाव जिल्हा तसेच सर्व पदाधिकारी, कार्यकर्ते आणि समस्त शिव-फुले-शाहू-आंबेडकरी कार्यकर्त्यांनी उपस्थित राहण्याचे आवाहन आयोजकांनी केले आहे.
