ईसा तडवी, प्रतिनिधी
पाचोरा, 9 ऑगस्ट: काँग्रेसच्या संघटनात्मक वाटचालीत विविध जबाबदाऱ्या समर्थपणे सांभाळत सामाजिक व राजकीय क्षेत्रात सक्रिय असलेले पाचोरा येथील विधिज्ञ अॅड. अंकुश कटारे यांची भारतीय राष्ट्रीय काँग्रेस SC सेलच्या जळगाव जिल्हाध्यक्षपदी निवड करण्यात आली आहे. अॅड. अंकुश कटारे यांनी विद्यार्थी दशेपासूनच काँग्रेसच्या विचारधारेशी जोडले जाऊन संघटनात्मक कार्याला सुरुवात केली.
अॅड. कटारे यांनी यापूर्वी भारतीय राष्ट्रीय काँग्रेस प्रणीत माजी जिल्हा एन . एस.यू. आय.सरचिटणीस, माजी जिल्हा युवक काँग्रेस सरचिटणीस आणि माजी जिल्हा काँग्रेस सचिव म्हणून जबाबदाऱ्या पार पाडल्या आहेत. त्यामुळे नव्या पदावर काम करताना पक्षाच्या संघटनात्मक रचनेशी समन्वय साधत SC सेलचे कार्य अधिक व्यापक करण्यासाठी त्यांच्या अनुभवाचा उपयोग होण्याची अपेक्षा व्यक्त होत आहे.
कायदे क्षेत्रातील कार्यासोबतच सामाजिक व राजकीय क्षेत्रातही अॅड. कटारे यांचा सक्रिय सहभाग राहिला आहे. ते माजी पाचोरा तालुका वकीलसंघ पदाधिकारी म्हणून कार्यरत राहिले असून, सध्या पंचशील संस्था अध्यक्ष म्हणून जबाबदारी सांभाळत आहेत त्यांच्या निवडीबद्दल महाराष्ट्र प्रदेश काँग्रेस कमिटी उपाध्यक्ष संदीप भैय्या पाटील, योगेंद्रसिंग पाटील , सचिव प्रवीण सुरवाडे ,जिल्हा काँग्रेस कमिटीचे अध्यक्ष ॲड .अविनाश भालेराव, विजय वाणी, जेष्ठ नेते श्रीधर चौधरी, सेवादलाचे विनोद कोळपकर यांनी अभिनंदन केले आहे.
