ईसा तडवी, प्रतिनिधी
पाचोरा, 11 फेब्रुवारी : महाराष्ट्र हौशी जिम्नॅस्टिक्स संघटना यांच्यातर्फे दि 12 ते 13 फेब्रुवारी यादरम्यान बालेवाडी, पुणे येथे होणाऱ्या ५७ व्या आर्टिस्टिक जिम्नॅस्टिक्स आणि 18 व्या ट्रॅम्पोलिन व टम्बलिंग राज्य अजिंक्यपद स्पर्धेसाठी निवड झालेल्या विजयी खेळाडूंचे शिवसेना नेत्या मा. वैशालीताई सुर्यवंशी यांच्या शुभहस्ते पुष्पगुच्छ देऊन सत्कार करण्यात आला.
राज्य जिम्नॅस्टिक्स स्पर्धेत जळगांव जिल्हा संघाचे प्रतिनिधित्व करण्यासाठी ज्युनिअर वयोगटात कृष्णा ठाकरे व जयेश भिल, सब ज्युनिअर गटात विश्वराज ठाकरे यांची निवड करण्यात आलेली आहे.नुकत्याच जळगाव येथे संपन्न झालेल्या जळगांव हौशी जिम्नॅस्टिक्स असोसिएशनतर्फे जिल्हास्तरीय अजिंक्यपद स्पर्धेत देदीप्यमान कामगिरी करून राज्य स्पर्धेसाठी निवड करण्यात आली.
सर्व यशस्वी खेळाडूंना व प्रशिक्षक गणेश मोरे यांना वैशाली सुर्यवंशी यांनी शुभेच्छा दिल्या. सर्व विजयी खेळाडू हे निर्मल जिम्नॅस्टिक्स अकॅडमी, पाचोरा येथे गणेश मोरे यांच्या मार्गदर्शनाखाली प्रशिक्षण घेत आहेत.
