मुंबई, 29 फेब्रुवारी : राज्याचे उपमुख्यमंत्री तथा गृहमंत्री देवेंद्र फडणवीस यांच्याबद्दल युट्युब चॅनलवर बदनामीकारक वक्तव्य करणे, तसेच त्यांना जीवे मारण्याची धमकी दिल्यावरुन पोलिसांकडून कारवाई करण्यात आली आहे. याप्रकरणी फेसबुक आणि ट्विटर अकाउंट वापरणाऱ्याविरुद्ध गुन्हा दाखल करण्यात आला आहे.
काय आहे संपूर्ण बातमी? –
मिळालेल्या माहितीनुसार, शिवसेना पदाधिकारी अक्षय पानवलकर यांच्या तक्रारी दिल्यावरून मंगळवारी (27 फेब्रुवारी) सायंकाळी तक्रारदार फेसबुक ब्राउझ करत असताना मुलाखतकार एका टेपमध्ये उपमुख्यमंत्री देवेंद्र फडणवीस यांच्या हत्येबाबत वक्तव्य करत होता. तसेच यावेळी त्यांनी दोन जातींमध्ये वाद होणार असल्याचे वक्तव्यही केले होते.
दरम्यान, फडणवीस यांचीही बदनामी झाली. हा व्हिडिओ यूट्यूब, फेसबुक आणि ट्विटरवर व्हायरल झाला असून हे व्हिडिओ ‘योगेश सावंत 7796’ या युजरने ते फेसबुकवर अपलोड केले होते. तसेच हा व्हिडिओ एका यूजरने ट्विटरवर अपलोड केला आहे. दोन समुदायांमध्ये दंगल भडकवण्याच्या उद्देशाने चिथावणीखोर वक्तव्ये करणे आणि सार्वजनिक शांतता बिघडवणारी विधाने केली, असा आरोप तक्रारीत करण्यात आला आहे.
पोलिसांत गुन्हा दाखल –
उपमुख्यमंत्री देवेंद्र फडणवीस यांच्यावर जीवे मारण्याची धमकी आणि दोन समाजात द्वेष निर्माण होईल, असे वक्तव्य केल्याप्रकरणी गुन्हा दाखल करण्यात आला आहे. सांताक्रूझ पोलिसांनी भादंविच्या कलम 153 (अ), 500, 505 (3), 506 (2) आणि 34 अन्वये गुन्हा दाखल केला आहे. याप्रकरणी सांताक्रूझ पोलिसांनी गुन्हे शाखेसह तपास सुरू केला आहे.
हेही वाचा : आई-वडील मजूर, मुलाचा लंडनमध्ये सन्मान, कोण आहे विदर्भातील हा तरूण?
